一年花幾萬
我哋先問一問，今年25歲嘅皮莉（Penny Flame），佢點解肯花咁多錢買內衣褲呢？佢話：「我覺得內衣好緊要，因為買啲着咗唔舒服嘅內衣，我會覺得成日唔聚財咁樣，記得細個時成日都唔開心，原來就係着咗啲唔啱身嘅內衣褲，搞到我冇晒心機。」
皮莉繼續：「後來有一日，我陪同學去買內衣褲，佢叫我齊齊試身，我呢個時候先至發現，原來啱身嘅內衣，真係着得零舍舒服，而且有啲功能，仲可以將身材最好嘅一面表現出嚟，自從嗰日開始，所有內衣都要由自己選購，費事假手於人。」咁通常一年花幾多錢落去呢？皮莉話：「我一年大約會買三四十套內衣，一般最平嘅都要成千蚊，貴嘅過萬蚊都有，咁你計吓，一年都會使幾萬蚊落去。」咁家陣屋企有幾多套內衣呢？皮莉一笑：「我冇認真數過，但應該有成千套啩。」
發黃污糟底
花咁多錢落去，男朋友冇詐型咩？皮莉話：「我男朋友起初都覺得我好奇怪，因為平時出街嘅衣着好簡單，笠衫牛仔褲加波鞋，但返到屋企我就會全內衣示人，男友一睇全部都係名牌貨，佢仲笑我，話我係一個注重內涵嘅人，真係畀佢激死。」至於另一個今年23歲嘅靚女派妮（Preley Maddox），佢又點解咁着重內衣褲呢？派妮話：「可能係童年陰影，記得第一次同男朋友親密接觸，當佢替我解除束縛嘅時候，佢發現我嘅內衣又破又爛又飛線，白色嘅小底褲嘅正中位置，仲有淡淡嘅黃漬。」
咁你男朋友後嚟點呀？派妮長嘆一聲：「係人見到都冇晒胃口，於是佢咪話口渴走咗出房飲水囉，之後就再冇走返入嚟。自此之後，我着嘅內衣褲一定要新淨企理，咪再畀男人睇唔起，所以我買內衣出手好重，唔貴唔買，最貴嘅一套用咗成萬蚊。」
名牌唔怕露
派妮續說：「由於所有內衣都幾貴吓，所以我會好好收藏，有朋友以為係我嘅嗜好，於是當佢哋見到啲得意嘅內衣時，都會買畀我。但係佢哋送嘅內衣，根本就唔用得，所以我收咗就算，轉頭就成批拎去舊衣中心，送畀啲有需要嘅人。」
着啲咁貴嘅內衣，除咗基本好處之外，仲有乜嘢其他嘅好處呢？派妮話：「名牌靚內衣，除咗可以着喺裏面之外，家陣好多衣服剪裁都好大膽，有時有件靚內衣打底，就算露胸圍出嚟，都唔會失禮人，特別係着低腰褲經常露底，都係一樣。」
最後，派妮總結：「男朋友見你買咁多內衣褲，即時都會有微言，但當佢哋輕摸着你嘅內衣時，又會為佢帶來強烈嘅新鮮感，所以我啲男友，每次都有新嘅驚喜畀我，因此就算肉赤啲，都要繼續買落去。」原來仲有妙用，難怪買得咁瘋狂啦啦。
撰文：小德