飲兩杯好口才
呢兩個囡囡都係嚟自至×桑拿的技師，一個係21歲嘅娃娃，佢留有一頭長直髮，個子都幾高，另一個係20歲嘅小美，留咗一頭短髮，十分精靈活潑嘅樣，兩個當中，都係佢講嘢最叻，小美話：「平時講嘢只屬一般，飲咗酒嘅話，講嘢講得仲流利。」
既然係咁！一於先問口齒伶俐嘅小美，究竟幾細個就開始飲酒先，佢話：「我哋成家人都喺酒廠打工，飲酒根本唔使錢，每逢過年過節，人哋一杯一杯咁飲，我哋屋企人係一大碗一大碗咁飲，男仔七、八歲就識飲，我就十三、四歲至開始。」
鄉下人飲酒係咪好飲得好瘋狂嘅呢？小美話：「我哋做酒嘅，明白酒得來不易，所以我哋唔會鬥酒，亦唔會飲醉自己，一般飲到啱啱好就夠，我哋初學飲酒都係，由半杯仔開始，慢慢可以飲到半斤都唔醉，咁基本功合格喇。」半斤即係幾多呀？
飲酒可保健康
小美話：「大約兩隻水杯滿嘅分量啦！」咁飲嘅係幾多度嘅酒呀？小美話：「大約四十五度至六十度左右。」咁樣飲兩水杯，小美啲酒量咪好勁，小美話：「所以一般男仔想用啤酒灌醉我都幾難，最後佢哋自己醉晒，我仲可以一個人行路返屋企呀。」
咁除咗冇咁易畀男仔呃之外，飲酒仲有乜嘢好處呢？小美話：「每日飲少少酒，對身體會健康啲，但咪以為一定要冬天至飲，原來就算係夏天都可以飲，飲咗酒反而身體冇咁悶熱，當然冇人叫你夏天飲啲大補酒，搞到流鼻血，咪怪我唔通知聲。」
至於另一位靚女技師娃娃就話：「我都係幼承庭訓，喺屋企學識飲酒嘅，由於我爸爸係做生意嘅，所以經常都要應酬，練到佢飲酒好似飲水咁樣，我有時陪佢去食飯，見佢猛畀人灌酒，真係神仙都頂唔順，於是我咪睇唔過眼主動幫佢頂酒囉。」
詐醉滿足男友
由於當時娃娃仲細，所以佢飲少少，啲大人就要飲一大杯，佢經常鬥贏啲大人，於是佢爸爸更加秘密訓練佢，娃娃話：「我記得十二歲嗰年，我一個人就可以飲一支國產白酒，之後仲可以扶爸爸返屋企。」娃娃酒量咁好，咪冇男仔可以呃到你？
娃娃笑笑口話：「咁又唔係，我第一個男朋友，佢就學人想灌醉我，點知搞到佢就醉我都未有反應，最後係我詐醉，至畀佢得償所願咋。」得償乜嘢所願呀？娃娃話：「你自己估吓！」咁娃娃咁耐有冇醉過呢？娃娃話：「失戀嘅時候醉過一次。」
咁飲酒對你嚟講又有乜好處呢？娃娃話：「我覺得識飲酒可以擴大生活圈子，交到更多嘅朋友，而且飲大兩杯之後，你可以更了解你嘅朋友，係人係鬼，一目了然，當然首要條件，係你唔好第一個醉啦！」真係唔講唔知，原來飲酒有咁多好處嘅。
小美Profile
年齡：20
三圍：34、24、34
興趣：飲兩杯
娃娃 Profile
年齡：21
三圍：33、24、33
興趣：識朋友
撰文：小德 攝：強