老人家成日都話，做每一件事之前一定要三思而後行，咁先唔會做錯事。的而且確，年終有不少意外都係因為年輕人太心急而引起，例如揸車太心急而發生車禍。以下呢位年輕人亦一樣，因為太急色而失禮於人前。
明仔每日工作相當繁忙，做到腰痠背痛，今日去到一間骨場按摩。靚女技師幫明仔按按吓，突然話：「我好口痕，想搵啲嘢濕吓個口呀！」
骨場新手嘅明仔登時心思思：「唔通佢想挑逗我？點算呢？」明仔已經慾火焚身，於是決定放下心理包袱，轉身揭開毛巾，仲話：「我嚟喇！」
明仔一轉身，見到技師手執一支啤酒！原來佢真係想濕吓個口咋！呢一刻明仔赤裸裸呈現喺技師眼前，真係失禮死人喇！怪就怪你太急色啦！
賢