左右夾擊
人生在世，搵到幾多錢、有幾高地位其實都只係過眼雲煙，最緊要都係搵到一個知心朋友，能夠一齊分享生活點滴，咁先算得上不枉此生。而日本水着界就有一對知心好友，佢哋不單只性格相似，身材亦同樣咁索，擁有一雙豐滿G奶！
佢哋就係稱為水着界G奶姊妹花嘅森下悠里以及小泉麻耶喇！呢對好姊妹經常一齊行街睇戲食飯，溝仔亦要一齊。究竟一對好姊妹點樣分工合作呢？作為G奶姊妹花家姐嘅森下悠里就話：「我哋咁齊心，梗係左右夾擊啲靚仔啦！我哋對於溝仔一向都持開放態度，因為我哋覺得家陣做女仔唔需要再扮矜持，畀人話行為開放，總好過畀心儀嘅靚仔走出我哋嘅手指罅吖！所以，我哋喺聚會嘅時候一見到靚仔就會一擁而上，實行齊齊以G奶夾擊，不知幾多靚仔畀我哋一夾就神不守舍，任我哋兩個魚肉呀！」
車輪戰術
最衰小記唔係靚仔吖！如果唔係，都想畀佢哋左右夾擊呀！而G奶姊妹花嘅細妹小泉麻耶就表示，並唔係次次都夾擊，有時都要分先後。
麻耶妹話：「老實講，雖然我哋兩個樣靚身材正，但係喺我哋合作溝仔嘅生涯當中，一樣遇到唔少定力非常好嘅男仔。不過，定力好唔代表溝唔到嘅，因為我哋仲識得用車輪戰術對付佢。例如，當悠里用開放嘅態度同一個靚仔傾偈之後，了解到對方嘅底蘊，若果發覺對方原來係鍾意斯文又溫柔嘅女仔，悠里就會行開，然後將呢個男仔嘅資料一一話畀我知，我就會接力上前，投其所好，扮成斯文女仔接近佢，咁就可以增加溝到佢嘅機會啦！而呢招車輪戰術亦可以交替使用，憑住高超嘅合作性，簡直係無往而不利呀！」
靈活應變
兩位G奶水着女優咁索又咁合拍，相信塵世間已經冇男人可以飛得出佢哋嘅手指罅喇！不過，能夠得到兩位女優睇中，相信冇男人會覺得心有不甘。呢個時候，悠里又話：「我哋其實眼角好高㗎！咪以為我哋咁隨便先得㗎！」麻耶又搭上一句：「咪係，你估係男人我哋都啱咩，好似嗰啲鹹鹹濕濕嘅男人，我哋就最憎喇！不過，呢種男人又真係幾死纏爛打，好難對付。」
悠里補充話：「難對付又點，咪一樣畀我哋搞掂！」麻耶笑笑口咁講：「咁又係呀！我哋一遇到呢種人就會靈活應變，例如，悠里被纏住嘅時候，就會向我使個眼色，我一見到就會衝過去捉住悠里隻手，然後借頭借路拉悠里急急腳走人，總之就係以迅雷不及掩耳嘅速度逃離現場，鹹濕佬你哋係咁先啦！呵呵！」
撰文：賢