大家都知道內地骨場有正骨同邪骨之分。以前啲色途老馬，經常將「難為正邪定分界」掛喺口邊。事關以前正骨場為咗吸引客人，對於技師為客人提供特別服務，採取隻眼開隻眼閉嘅態度，亦即所謂「鬼祟機」。不過時至今日，不少家庭都鍾意一家大細北上揼骨，有正骨場發現家庭客嘅收益大過邪骨，故此嚴打技師偷偷為客人玩「鬼祟機」。
雖然正骨場嚴打，但對技師嚟講，呢啲政策會減少佢哋額外收入。故此，仍然有技師會偷偷喺房內提供「鬼祟機」服務。問過一位鍾意玩「鬼祟機」嘅玩家，佢解釋：「我哋鍾意玩『鬼祟機』嘅原因，首先係因為邪骨場嘅技師撈味太重，縱然佢哋玩得較放，但就略嫌虛假。反而正骨場嘅技師，唔係每個客人都會提供服務，感覺較為珍貴。其次，就係見到技師既然提供服務，又要周不時望吓門口有冇職員經過，嗰種偷嘅快感，實在難以言喻。」
為咗打擊呢個情況，有骨場便推出新規條，只要發現有技師喺按摩房內，同客人有任何不道德交易嘅話，一經查實，骨女就要接受罰款處分，而罰款則全數獎勵揭發嘅員工。
據相熟嘅技師表示，自從新例實施以後，班員工非常勤力巡房，搞到班提供「鬼祟機」服務嘅技師冇啖好食，為免被罰都唔敢鋌而走險。雖然呢個規條對技師嚟講唔係好事，但對客人，尤其係家庭客嚟講，如果個場搞得乾淨嘅話，佢哋便會慕名而嚟，未嘗唔係一件好事。
阿豪