日本動漫迷一向對女僕扮相嘅角色情有獨鍾，為咗滿足呢班忠實Fans，有關女僕嘅動漫可謂長出長有，好似《小春日和》由○一年推出至今，依然大受歡迎。《小春日和》嘅故事講述男主角村瀨貴，喺一間機械人專賣店邂逅機械人由依，並對佢一見傾心，於是立即買咗佢返屋企，更將佢打扮成女僕模樣。諗住呢個機械人都係用嚟當擺設欣賞，點知發現由依竟然擁有人類嘅思想，更反過嚟改變村瀨貴嘅頹廢生活。
而今次介紹嘅首辦模型就係由依喇！模型設計跟動畫卡通內嘅由依完全一樣，誇張嘅長髮設計，效果突出，只係面部表情略嫌遜色少少咁啦！可能大家會覺得由依呢身女僕扮相，可愛有餘但性感不足。其實大家只要稍為留心嘅話，就會發覺由依身上嘅女僕裝非常低胸，露出北半球。最特別嘅地方，就係可以脫下由依身上嘅性感女僕裝，玲瓏浮凸嘅身材，即時展現眼前。
售價：7,800日圓（約$621港元）
娟娟