一位署名黃小姐女讀者來信提到：「做愛嘅時候，心情一緊張一興奮，都會有一陣陣喉嚨發癢，跟住有痰湧上，頂住非常辛苦。如果唔吐出嚟，有可能窒息，唔明白箇中原因。此外，身體並冇唔妥，就係痰多，請問先生有冇方法可以解決問題！」
「痰」呢一個字，睇起嚟好簡單，但喺中國民間嘅治病學問而言，其實非常複雜。由於風火寒濕，形成嘅積痰情況，治療辦法亦各有不同，而且更認為痰不但係「頂喺喉嚨嘅一舊」，更可周流積聚於五臟六腑，流布於肺則咳喘，積存於心則悸怖昏狂，於胃則嘔吐作悶，可導致昏眩，喺胸口則脹懣，所謂「百病皆由痰作怪」就係呢個道理。
至於「喉嚨發癢，湧起痰團」，民間視之為「風」痰，近代則認為係氣管間嘅絨毛運動，將喉間液體不時推出，亦可視之為「風重」，即「痰濁上擾」。
以中醫角度嚟睇，患者必須「健中去風」例如用茯苓、白朮煲瘦肉，或用馬蹄、海蜇煲湯，又或以羅漢果、西洋菜煲牛肉湯，以上方法都可以對狀況有幫助。
陽起子