香氣吸引
今年十九歲嘅石井香織，咪睇佢年紀輕輕，早於2006年佢已經加入水着界搵食，成績仲相當唔錯添！據了解，香織妹平時好鍾意四圍去結識新朋友，遇到心儀嘅異性，當然唔會輕易放過啦！但講到冧仔技巧，佢就有自己嘅一套做法。
「無可否認，男人睇女人嗰陣，好多時會以貌取人，樣貌生得靚、着衫好睇，對方自然會對你加分，但單靠外表仲未夠㗎！仲要識得用身上嘅味道去吸引異性，咁先可以大大增加成功機會。例如當兩人熟落咗，有機會坐埋一齊傾偈嗰陣，女人身上陣陣幽香就能夠發揮極大作用，我可以大膽講句，當男人索到女人身上嘅香氣，自然會不知不覺靠近對方，甚至產生性幻想，情況就好似雄性動物會根據雌性動物嘅體味而選擇交配對象一樣。」香織妹又話，佢本身唔太鍾意用香水，所以佢平時都會用含有香薰成分嘅沐浴露沖涼，因為香氣可以停留皮膚較長時間，所以整個人都特別香噴噴！
紓緩壓力
其實好多女性都覺得噴番啲香水，可以有助刺激男人，好似另一位水着女優八代皆瀨就係其中一個例子。據講，當皆瀨妹明白身上嘅香味，對吸引男人有好大幫助之後，佢就開始向呢一方面研究。曾經試過噴香水，但係身邊有好多男性朋友都話味道太濃，於是佢就學石井香織咁，用含有香薰成分嘅沐浴露嚟沖涼，唔知效果又如何呢？皆瀨妹就話：「有次同新相識嘅男友首次約會，期間佢問我點解咁香，之後仲喺我身上不斷咁索， 我直覺地相信，因為佢受到我身上嘅香味刺激，所以先會做出呢個反應。」皆瀨妹講得冇錯，女人身上嘅香味，對於刺激異性確實有顯著作用。
除此之外，皆瀨妹亦愛香薰油按摩，佢話：「平日工作繁忙，壓力又大，身心皆承受好大壓力，所以返到屋企之後，我都會用香薰油按摩身體，事關香薰嘅香氣，加上按摩動作，可以令人鬆弛神經緊張，有助紓緩壓力，為咗達到最佳效果，有時我仲會脫光衫褲，然後叫男友替我按摩全身，真係好舒服㗎！」皆瀨妹咁大方，做得佢男友就好囉！
激發性慾
女人香味，確實令無數男人心醉，好似皆瀨妹嘅香薰按摩嘅方法，舒服得嚟又不失性趣。佢話：「由於香薰嘅香氣令我身心都得以放鬆，所以當男友為我按摩嗰陣，每當接觸到敏感位置，感覺零舍舒服，好多時都忍唔住細細聲咁呻吟起嚟，搞到男友鬼咁興奮，甚至喺按摩途中同我做起上嚟添！」
至於香織妹都認為散發自女人身上嘅香氣可以激發男人性慾，佢話：「睇見女人嘅胴體，男人好自然會感到興奮，呢啲都係視覺上嘅刺激，若然再加上陣陣幽香，觸動埋嗅覺，就會令佢哋產生一種強烈嘅慾望，就好似一個人肚餓嗰陣，聞到食物嘅香味而產生強烈嘅食慾一樣。所以我覺得女人要冧仔嘅話，唔使搞咁多花臣，只要識得選擇適當自己嘅香水或利用有香味嘅沐浴露就可以。」香織妹所講嘅女人香，男人真係好難抗拒嘅。
撰文：娟娟