經濟已唔好，加上流感陰霾，幾乎無人敢去內地K場玩。而K場女部長為咗留客，甚至自己客串落場做埋，變相搶囡囡飯碗！
眉來眼去
朋友阿強一行人去東莞打算唱K之後再到桑拿過夜，但天雨關係，路上好塞車，架車去到東莞已經遲咗成個鐘，到達K場時經已十點多，好在之前一早打定電話去訂房，否則實白行一轉。可惜遲到關係，高質囡囡已畀人揀晒。剩低豬扒兩三件，揀無可揀，惟有勉強揀幾個坐低陪坐。
阿強話：「成日都話咁遲先唱K梗係無乜囡囡揀，態度就更加麻麻，有啲摸吓手仔都唔得。好彩我揀嗰個都算順得人意，結果喺無癮嘅情況下，大家都淨係同我揀嗰個囡囡飲酒猜枚，其他黑面神就成晚呆坐。」玩到中段，阿強表示有個女部長時不時入房打招呼兼猜兩板：「平心而論，個女部長嘅樣貌同身材都比房入面班囡囡好得多，而且相當玩得，又猜枚又劈酒，全晚都好好態度同有笑容，之但係佢唔留得太耐，成日都要去其他房應酬。」阿強留意到部長每次入嚟，都會同其中一個老友眉來眼去，明眼人都知佢哋互相有意思啦！
暗搶飯碗
到差不多兩點，囡囡都話要走人，阿強當然樂意放人，然後大家繼續唱歌，呢個時候，女部長亦都送走咗幾枱客，可以入嚟繼續同阿強等人玩：「冇諗過冇咗班囡囡，個女部長玩得仲放，唔止攬攬抱抱冇問題，後來佢仲成個人挨埋老友身邊，唔使講，今晚一定有着落啦！」阿強笑道。
或者飲大兩杯關係，女部長同阿強解釋，為免畀班囡囡話同佢哋爭客，所以之前唔敢玩得咁投入，依家班囡囡走晒，自然想點玩都得。就係咁，女部長同成房男人玩到三點幾，再由老友送佢返屋企，餘下所有人就去桑拿過夜。到第二日再同老友會合，阿強見對方春風滿面，大家心照不宣。
祖