着數吸客
話明鬥長腿，首要當然係要多囡，否則只得男人入場，即係鬥腳毛。而大會為咗吸引更多囡囡入場，除咗免入場費、任飲呢啲基本嘢，就連消費券都有得派，真係好着數噃，不過睇睇條件，原來只限換短裙或熱褲乙件，大會用意係希望更多囡囡着短裙出街喎！
一知道有着數，所有囡囡都瘋狂入場癲番晚，而參加者亦好合作，自動自覺穿上性感迷你裙或熱褲，最開心當然係班男人，少少錢入場就有大把長腿睇，真係好過睇四仔！有囡囡就認為，呢個派對非常好玩，事關佢屋企衣櫃只得短裙，出街着行動唔方便，去派對就最啱，阿妹認為應該搞多幾次喎，阿妹話：「鬥波就冇我份，但講到長腿真係未驚過，朋友都讚我雙腿夠長夠幼，最適合着短褲，奈何工作關係，一直無機會着，所以派對至有機會，不過男人又會覺得你着得咁『搏命』，無非係想『搵食』，所以吸引到嘅都係啲無品味嘅男人，希望今晚仲可以識到多啲高質靚仔啦！」原來囡囡鬥長腿，目的並唔係同姊妹鬥，純粹希望多啲仔圍，攬件好嘢好咁話。
長腿任抽
當晚熱鬧非常，派對未開始已逼到水洩不通，全場都係長腿任君睇，有男士話，當晚唔知索到幾多條腿，Davis話：「嗰晚相信係有史以來最多長腿嘅派對，可能係囡囡自己都嫌鬥上圍太悶，要轉吓鬥其他部位，而我見班囡鬥得咁high，當然唔執輸，將雙手放喺大腿旁邊，每當有囡經過我身邊，必定會觸摸到佢哋，有時會摸到大髀，甚至屁股都摸過，若然囡囡對我報以微笑，我仲會進一步行動添，真係諗起都爽呀！」
男人喪抽水，但從未聽聞現場囡囡有任何投訴，點解？事關妹豬都覺得，人多地方窄，入得場玩預咗男人抽水，假如冇人抽水，即證明嗰位囡囡質素高極有限，囡囡Taffy話：「又唔係摸胸，畀男人摸吓大髀無所謂，而最抵死係可以激發到男人興奮，然後整晚跟住你，咁就為之成功！」哦，原來所謂鬥長腿，就係要靠現場男士，製造出一條人龍，邊條囡囡多仔跟就係「極品」！難怪Taffy當晚咁多仔跟啦，Taffy報稱自己有43吋長腿，係九頭身黃金比例，雖然上圍唔夠巨，但論長腿冇人夠佢fight，阿妹話：「講到腿正，我敢認第二，都冇人敢認第一，為咗是次派對，我不知花咗幾多時間心機去裝扮雙腿，單係剃腳毛都搞咗一日，最後仲要買對靚靚高踭鞋，至塑造出咁完美效果。」當晚所見，阿妹起碼超過五十條仔跟出跟入，男人都只集中睇住佢條腿，相反其他囡囡就喪睥住女主角，場面趣怪！
各取所需
而女士們為咗更突出長腿效果，有人不惜以六七十年代造型登場，辣妹Bitoni話：「我呢個造型係模仿當年油脂妹時代設計，無論顏色、頭箍以及對鮮色襪褲都係照抄，因為D場環境太暗，要突出一定要七彩繽紛！」好可惜，Bitoni當晚大失所望，因為冇任何男人走近佢身邊，證明佢呢個造型根本唔Work，相反亞裔囡囡Allie就醒目得多，阿妹只係一條連身短裙，心口一個大「V」，由於上圍太震撼，差點飛奶咁濟，經已搶晒分，更離譜係刻意露底，點會冇男人圍至得㗎！
根據派對玩家事後反應，原來大部分人都認為，派對唔一定要色情，有時少少鹹多多趣，更能達至色誘效果，總之各取所需啦！
撰文：祖