對酒當歌，人生幾何，如果再加上有美相伴，咁就真係再無遺憾喇！不過，若果要大家喺酒與美人之間作出選擇，大家又會如何取捨呢？思前想後，我相信好多朋友會選擇酒，因為豐儉由人，而且，唔使花盡心機同金錢去氹吖嘛！
某公子喺自己嘅私人別墅舉辦大型游池派對，有好多美艷佳人到場，呢一位美女就更加擁有天使面孔，魔鬼身材，令人睇到流晒口水！
美人等啲男人上前獻殷勤嘅時候，突然有一個男人從天而降，不過並唔係向美人施以突襲，而係跳到美人坐嘅咕𠱸，將美人成個彈走！
呢位男士之所以咁狠心，原來係因為想嗒美人身邊嘅香醇啤酒，冇辦法啦！一個人酒癮大發，靚女都一樣冇面畀，靚女唔係大晒㗎！
賢