男女交往，情到濃時，少不免會有親密接觸，但大家又知唔知道女孩子最怕對方搞乜嘢呢？原來女孩子唔怕對方忘情棄愛，最怕「食完唱」。想知道對方係咪「食完唱」？好簡單啫，通過以下心理測驗就可以知道。
情況：你係一個司機，當你進入一條單程路時，前面有架客貨車慢條斯理落貨，你會？
選擇：
1. 唔落車只不停響號
2. 先響號再口頭警告
3. 先響號再落車警告
答案分析
1. 唔落車只不停響號
呢種男人，個性太過於規律，黑白分明，做人比較固執，唔識得變通。呢種人一定唔會食完唱，你要求佢守秘密，佢真係可以守口如瓶。
2. 先響號再口頭警告
你可以話呢種人夠「執生」，但亦都欠缺個性，情趣方面會有，但守秘密嘅能力就一半半，只要受到朋友唆使，就乜嘢秘密都會唱通街。
3. 先響號再落車警告
性格衝動，做事不顧後果，冇計劃，亦冇原則，對氹女性有一手，但係守秘密嘅能耐係零，會將女朋友嘅秘密講出嚟，仲會加鹽添醋。
小德