心靈至上
男女生理構造不同，大部分女性着重情感交流多於性愛，但脫星Andie Valentino同Sydney Moon就認為，假如女人只着重呢種心靈至上嘅交流，不僅缺乏性生活情趣，長遠而言，更會影響雙方關係。Andie Valentino話：「雖然呢種女性一般嚟講，性格都比較細心及體貼，係稱職嘅賢內助。但喺性生活上，佢哋要求先講心，後講性嘅政策。故此，對於男性嚟講，每當有需要時，就會覺得對方唔配合，令彼此心生嫌隙。」
為此，Andie Valentino認為當面對呢種女性嘅時候，應當施以懷柔手段，讓佢哋明白性愛實係心靈交流嘅一個重要環節，絕非一種要先有愛，後有性嘅交易手段。只要佢哋明白呢個道理後，性生活自然會變得協調。
實用主義
Andie Valentino力撐姊妹，佢認為應該先講性再談情，可能大家會認為阿妹工作需要至會咁講，但Sydney Moon就話，自己入行前都係崇尚講心唔講性，結果日日食自己，經過五年冇拖拍嘅日子煎熬，決定豁出去，加入四仔界體驗性愛樂趣，其後阿妹至明白到性愛是何等享受，而不切實際嘅講心政策，阿妹話唔該收聲。
Sydney Moon妹話：「人生苦短，現在我係一個實用主義女性，對男性嚟講，絕對係又愛又恨嘅對象！由於佢哋着重性愛關係，故此作為呢種女性嘅另一半，絕對不乏床上歡愉。但亦因為佢哋重點放於性愛上，便會令到相處嘅時候，變得有性冇愛，缺乏心靈上交流。」雖然如此，但Sydney Moon亦表示「實用主義」女性，雖然可以帶畀男性肉體上嘅滿足，但係佢哋喺做愛之後，就會馬上到浴室沖涼。呢種用完即棄嘅感覺，不但令男性茫然若失，更會令佢哋覺得自己猶如男妓般，損害佢哋嘅尊嚴，可惜Sydney Moon始終覺得，最重要是自己開心，否則講心又講性都是多餘。
女性當道
兩位脫星認為，現今社會係女權當道時代，時下不少女性喺床上亦盡顯一派女強人風範，一反傳統男性為主導嘅情況。脫星Andie Valentino話：「女性喺床上嘅地位得到提升，係一件可喜可賀嘅事，不過有部分女性則將呢種強權主義發揮到極致，只要佢哋性之所致，對方就要隨傳隨到。」
Andie Valentino就指出，呢種以自我為中心嘅女性愈來愈多，由於佢哋明白自己想啲乜，以及如何得到關係，故此每當佢哋上到床時，就會指令對方用乜嘢姿勢、應該點樣做，方能讓佢哋滿足。由於呢個原因，令男性無法體會性愛嘅樂趣，Andie Valentino話：「儘管部分男性唔介意體驗一下被動嘅情趣，但久而久之就會產生脅迫感，反而令性生活出現裂痕。試問呢種女性，如何可以得到男性嘅喜愛呢？」
Andie Valentino Profile
年齡：27
身高：5呎5吋
三圍：35C、24、34
興趣：指人做嘢
Sydney Moon Profile
年齡：22
身高：5呎6吋
三圍：36D、25、34
興趣：話事