一位署名「難補」男讀者來函提到：「近年身體日漸變差，年輕時的雄風已難復再，想要進食補品救亡，誰料身子不爭氣，竟然虛不受補，鼻血長流兼見頭暈，所以想請教先生，有何方法能救小弟這虛弱男？」
正所謂男人唔補好易冇，尤其係人到中年好多時感到力不從心。不過，大家千祈唔好亂咁進補，事關每個人嘅體格都唔同，體質太虛而堅持服用補品，可能會適得其反，輕則補到流鼻血，重則令自己頭暈腦脹，甚至性命危險。
其實部分營養嘅食物，一樣對男人性能力有幫助，根據新加坡一項研究顯示，食燕麥就有助男士體內睾丸素水平提高，保持男士雄風同喚起性慾。而且研究人員更指出，中年男子由於身體機能不再旺盛，所以睾丸素水平不斷下降，好易會出現性慾低下同勃起障礙，搞到成日頭耷耷，而長期食用燕麥就可以改善呢方面症狀。
另外，研究同時發現，食燕麥對於提高女性性慾，尤其係更年期女性，都有相當幫助。如果各位想改善身體健康同性生活健康，就不妨同伴侶食多啲燕麥早餐啦！
陽起子