所謂「一種米養百樣人」，呢個世界千奇百怪，真係乜嘢人都有。好似今次條片嘅男主角文叔咁，專登走去駁長手指，大家以為佢係想曳曳時，能夠畀到額外嘅快感對方，點知原來並非如此！
文叔瞓喺醫院，原來佢做咗個駁手指手術，將右手食指駁到好似ET咁長。護士問文叔點解佢要咁做，文叔同文嬸相視一下，笑而不答。
文嬸喺路上同文叔講：「今次我哋終於可以嘗到最大嘅樂趣喇！」佢哋返到屋企，竟然第一時間拎支茄汁出嚟，伸隻手指入去喺咁撩。
只見文叔舔得極為滋味，而老婆喺隔籬拍爛手掌。原來文嬸所講嘅樂趣，就係用嚟撩茄汁！搞到要做手術咁麻煩，真係畀佢吹脹！
阿豪