撰文：娟娟
大床最舒服
一生人有三分之一嘅時間花喺床上面，對於床嘅選擇又點可以馬虎？水着女優中島愛里就話：「平時工作做咁辛苦，揀張靚床畀自己攤抖吓都好應該。我本身係一個爛瞓嘅人，瞓覺嗰陣經常碌嚟碌去，所以買床嗰陣，我會揀張king size大床，最好係一張軟綿綿又有彈性嘅床褥，咁先夠舒服嘛！至於床架嘅選擇就冇乜所謂，甚至唔用床架，淨係將床褥放喺地瞓都可以，一來我屋企地方唔算太大，二來就算爛瞓到跌咗落地都唔會咁傷嘛！」
據講愛里早排買咗張新床，差不多用咗半個月人工，雖然畀錢嗰陣有啲肉痛，但事後依然覺得值得。愛里就話：「做我哋呢一行，經常需要出外拍寫真，舟車勞頓之餘，仲要不時參與電視演出，都幾辛苦㗎！好需要一個舒適嘅地方，讓我好好咁休息。如果張床唔夠舒服，搞到瞓得唔好嘅話，不但冇精神工作，仲會令皮膚變差，所以我覺得用咁多錢買張床返嚟都係值得嘅。」
唔怕碌落床
除咗瞓得舒服啲之外，仲有冇好處呀？愛里就尷尬咁話：「我本身已經鍾意大床，喺張床度碌吓碌吓，都不知幾過癮，如果同男友一齊瞓嘅話，梗係要一張king size嘅床啦！一來唔會阻住我碌，二來又可以有多啲地方，翻雲覆雨嘅時候，動作大啲都唔會跌落床。我男友每次曳曳都要玩番十招八招先肯完事，若然張床太細，盞辛苦大家，係咪？」愛里又講得幾有道理咁喎！
愛里再補充一點：「或者有啲人會覺得，張床大得滯會好冇安全感，其實解決方法好簡單，買多兩個枕頭圍住自己咪得囉！如果擔心同男友嘅距離變得疏遠嘅話，就一於撩佢玩足成晚，然後再攬到實一實，就唔使驚佢走啦！」
要保持乾淨
愛里話張床夠大先舒服，但另一位水着妹安田美沙子就覺得保持床上衞生亦都好重要。佢話：「要真正瞓得舒服嘅話，我覺得必須保持床上衞生，至少床單要乾淨，瞓上去嘅感覺都好啲，試諗吓，如果張床污糟邋遢嘅話，又點會瞓得安樂？好似我早排去到一個女性朋友屋企作客，佢本身係一個好懶嘅人，甚少會清潔屋企，佢張床不但滿布污垢，仲有好多食物殘渣，原來佢最鍾意喺床上面，一邊睇電視，一邊食零食，但咁都未算，最驚嚇就係畀我見到床尾位一個用過嘅安全套，佢話之前嗰晚同男友搞完嘢留低，唔記得清理佢，真係污糟到唔敢相信！」
若然見到美沙子所講嘅情景，相信大家都唔開胃。呢位靚女仲話自己絕對唔會咁做，事關佢認為注重床上衞生對自己同男友都有好處。「實不相瞞，我本身有裸睡嘅習慣，如果張床污糟邋遢嘅話，肯定遲早有皮膚病。此外，如果張床乾淨企理，莫講自己，同男友曳曳都舒服啲啦！」咁又係呀！搞到成張床鬼咁污糟又多雜物，真係好似喺垃圾堆中搞嘢咁款，唔想失禮街坊，嚇走靚女，快啲執掂自己張床喇！
安田美沙子 Profile
出生日期：1982年4月21日
身 高：162cm
血 型：O型
三 圍：32D-24-33
中島愛里 Profile
出生日期：1990年8月13日
身 高：157cm
血 型：O型
三 圍：34G-23-35