本文重點
每個人都希望搵到一個終生伴侶，但係人心隔肚皮，即使呢一刻對住愛侶言談甚歡，但係有邊個又可以擔保下一刻對方會否做出傷害自己嘅行為呢？如果大家想知道對方有幾真心，對戀愛持甚麼態度，就要回答以下問題，再睇吓答案分析喇！
問題：當你相約對方一齊飲咖啡，如果對方早到，佢會用邊一種姿態等你呢？
A. 邊睇雜誌邊等。
B. 不斷張望。
C. 端端正正坐好細心等候。
答案分析：
A. 情場殺手
呢種人屬於情場殺手類型，任何人落喺佢手上，都會被調教到貼貼服服！佢好識得尋找機會佔盡好處，遇到呢種人，大家要有畀佢食住嘅準備！
B. 難以侍候
佢屬於享樂型，最鍾意尋找刺激，對感情可能係三分鐘熱度，拍拖嘅目的可能係玩玩吓。你要經常增值自己，時常充滿新鮮感，佢先唔會跳船。
C. 忠心伴侶
個性保持內向，雖然令人覺得難以溝通，但呢種咁純品嘅人世間難求，佢哋一旦與你相戀就會一條心，希望廝守終生，好好珍惜呢個伴侶呀！
賢