索過女人
坊間誤以為變性人夜場是生人勿近，好此道者才敢進場，但原來，日本客人乜都敢試，為體驗變性人風情，好奇心驅使而勇於一試，當然佢哋有冇「出街」就只有自己至知。一位自稱抱「觀摩」心態進場的玩家尚野先生表示，透過互聯網得知變性人風俗店，出於好奇心，就同朋友一試。
入場後，尚野發現同一般夜總會「囡囡」冇分別，唯一分別係環境特別漆黑同欠缺「真」女人存在，尚野話：「一推門入內，就覺得環境好黑，跟住就有兩個男侍應招呼我哋入房，之後又有經理介紹玩法，一切清楚後，就可以睇『女』！」囡囡未出現時，尚野心情非常緊張，但當一見真身後，就明白甚麼是鬼斧神工。眼前囡囡比起AV女優更索更高質，而更重要係囡囡嘅態度比真女人更溫柔體貼，尚野先生揀咗一位藝名浜崎嘅小姐，外表確實無辦法挑剔：「我由頭打量到腳，完全搵唔到半點男人嘅特徵，髮型及化妝係近年甚流行嘅『小惡魔』造型，穿着一條低胸薄紗迷你裙及魚網絲襪配高踭鞋，如果要在雞蛋裏挑骨頭，唯一可嫌棄係腳掌太大。」尚野先生有讚冇彈，不過就強調只抱見識心態，無同囡囡出街。至於朋友平田先生雖然都有揀女，但因為心理問題，始終無法投入，更表示見識一次便夠，再去怕對自己心態有影響。
真女欠奉
至於囡囡服務過程以及服務態度，尚野更表示一絕：「假如對方唔講，我根本分唔出佢哋係變性人，皆因佢哋細心服務，就連抹嘴及陪去洗手間都照顧周到，亦懂得表現怕醜狀，當有身體接觸時甚至會面紅。」尚野更觀察到囡囡之間交談時，有如普通女人一樣講求儀態，陰聲細氣，難怪不少男士都想親身體驗。
另一方面，夜場解釋場內之所以欠缺女侍應，主要原因是怕人客會將兩者作出比較，所以通常由全男班上陣，客人亦認同夜總會做法，可減低人客同囡囡嘅尷尬氣氛，一位經常光顧嘅人客大島先生自言是好此道者，閒時會透過欣賞色情電影後解決，亦試過跟變性人拍拖，可惜好快就分手，當知道有此夜總會後，就非常興奮，幾乎每星期都會光顧，大島先生話：「我冇特定要揀變性人，只要係靚女我都想試。」
肉金極貴
大島先生話試過不下數十次同囡囡出街，雖然肉金極貴，但認為都係值得，大島話：「佢哋嘅Body真係無得彈，加上明白男人嘅心理，所以過程相當暢快。我毋須理會其他人點睇，只要我開心便可。」要學大島先生咁經常光顧，並非人人做到。每位囡囡淨坐枱以每小時6,000日圓計，即約470港元，如果是皇后級，更要12,000日圓，即約940港元，最低消費兩小時起，未計酒水果盤，假如出街更要35,000日圓，約2,700港元，真係嚇死人！可惜，目前為止，變性人願做PR着實不多，部分更是邊拍AV邊做小姐陪坐，現場亦有人妖駐場，佢哋都希望盡快儲夠錢可完成變性手術。
即時轉型
日本人勇於冒險嘅精神真係唔到你唔服，AV界為咗開發市場，竟敢挑戰極限，推出人妖及變性人系列，但更奇怪是好此道大有人在，否則呢個系列早已收檔，製片商甚至出口到較開放嘅國家，例如歐美等地。有日本人就睇中呢個優勢，趁機創辦變性人風俗店，據知情者話，場內嘅PR做一晚，比起真正女人做一晚閒閒哋多兩倍收入，若然肯再玩變態性玩意，收入更係以十倍計！一間位於東京嘅夜總會，近期非常受熱捧，據消息人士透露，呢間場本來係做正常夜總會生意，但老闆眼見變性人市場有利可圖，於是轉型為變性人夜場，果然，開店一個月已經翻本，更連續三個月晚晚爆場。
撰文：祖