舊時好多家庭都唔多好景，所以生性嘅仔女為咗減輕家庭負擔，實行一邊讀書，一邊打工。不過，現時經濟環境好咗，好多學生哥都變成大食懶，只係識得伸手問阿爸阿媽攞錢。然而，半工讀嘅情況喺內地亦頗為常見，甚至有女大學生出嚟援交搵快錢添！朋友明仔就曾經遇到一位因為想買電腦而援交嘅女仔喇！
明仔話：「因為我成日北上去夜場玩，漸漸覺得夜場囡囡太過庸脂俗粉，唔係我杯茶。剛好呢個時候，一位經常玩QQ嘅朋友就喺網上識到幾個援交女，仲介紹其中一個畀我識。當日，我哋約好喺深圳見面，見面嘅時候我發覺呢個援交女樣子清秀，頗具書卷味，一問之下先發覺佢原來係一名女大學生。及後我哋一齊食飯行街，好似一對情侶一樣，感覺真係好浪漫，同夜場囡囡嘅虛情假意絕對冇得比！食完飯之後，呢個女大學生就問我上唔上房，當時我考慮咗好耐，不過我見佢個樣實在太純情，真係唔想玷污佢，所以我最後都冇同佢發生關係，只係同佢落酒吧飲酒，直到天光。而言談之間，佢表示自己出嚟援交，其實係想買部新電腦，只要搵夠錢就會收山，不過他朝有日要再搵錢亦不排除重操故業。佢仲話好多同學都係因為想搵快錢而做援交女，已經係好平常嘅事，最重要就係搵到錢順利完成學業，將來可以出人頭地。最後，我都畀咗二百蚊佢，當係佢陪咗我成晚嘅報酬，總好過要佢兩手空空返屋企啦！」
賢