愛情至上
有人話「男人無性無愛，女人無愛無性」，男人面對愛情關係時，如果對方唔能夠滿足佢哋生理需要，縱然幾冧對方，仍難以確定戀愛關係。不過對女人嚟講，則會將愛情放喺性愛前面，如果男友唔能夠付出百分百真情嘅話，就唔使旨意一親佢哋嘅香澤。
Franziska Facella表示：「好多人覺得喺四仔界打滾嘅女人私生活非常開放，亦唔介意同異性喺冇感情基礎下發生超友誼關係。其實並非如此，事關我哋嘅豪放演出，只不過係工作嘅一部分，而工作之後，我哋便會回復真本性。就以我為例，我不但認為女性一定要有矜持，唔可以胡亂同男性發生關係，如非有愛情作為基礎，否則冇可能畀佢越雷池半步。」Victoria Sweet亦點頭道：「冇錯。不少人有錯覺，覺得我哋嘅私生活混亂不堪。其實我不但唔係夜蒲一族，就算去玩，我亦只會同班女性朋友一齊，甚至有人話我個性咁被動，點可能𠝹到仔呢？我之所以咁保護自己，因為我希望未來嘅男友係個可託付終身嘅對象，而唔希望佢只係覬覦我嘅肉體。」
拒打友誼波
估唔到敢於喺鏡頭前演激烈床戲嘅四仔女星，竟然視愛情如此重要。唔知佢哋呢種性格，對佢哋拍攝會否造成影響呢？Franziska笑道：「又唔會嘅。因為我哋都係專業嘅演員，當導演一聲令下，便會全情投入，將自己幻想成放蕩無比嘅淫娃，但當導演喊停後，我哋便會做回自己。雖然如此，但由於性格關係，有時亦好難即刻進入狀態。故此有時喺拍攝前，我亦會同男優溝通一下，皆因同佢熟咗之後，感覺便會更加自然，尤其係當佢接觸我身體嘅時候，亦唔會咁易作出抗拒，拍攝自然能夠更加順利。」
聽到Franziska咁講，Victoria便道：「有時喺拍攝後，有啲男優會主動約我哋出街食飯，甚至有啲直截了當地問我哋，想唔想打番場友誼波。聽到咁嘅提議，我梗係第一時間拒絕啦！事關我同佢只不過工作關係而已，並非真係愛上佢，而最重要嘅就係我並非如此隨便嘅女人，想同我發展超友誼關係嘅話，就一定要有番咁上下嘅溝通，友誼波係絕對不被接受嘅！」
識破花言巧語
縱然兩位靚女認為突破最後防線前，必定要有一定程度嘅溝通，但不少男人懂得利用甜言蜜語嚟引女人入局。唔知佢哋遇到呢個情況嘅話，又會如何應對呢？Franziska就話嘞：「花言巧語我經常聽喇！好似『我永遠愛你，以後只會愛你一個』、『畀個機會我證明有幾咁愛你』或『同我一齊你會感到非常快樂』等等。其實講到尾，佢目的只不過係想得到你嘅肉體，而非真係想同你喺埋一齊。」
Victoria點頭道：「冇錯。可能係因為我哋經過呢啲事太多嘅關係，對男人嘅甜言蜜語有相當嘅了解。當佢哋講出呢啲說話嘅時候，我哋即刻知道佢究竟想要啲乜，腦海即時響起警號，絕對唔會畀機會佢哋埋身。」聽佢哋咁講，應該都曾經試過畀男人嘅花言巧語呃啦！兩女即時大笑道：「如非呢啲經驗，我哋又點會明白愛情嘅重要性呢？」
Franziska Facella Profile
年齡：20
身高：5呎6吋
三圍：32A、25、34
興趣：潛水
Victoria Sweet Profile
年齡：25
身高：5呎1吋
三圍：34B、24、34
興趣：爬山
撰文：阿豪