細個嘅時候，每次同阿媽到擺滿流動小販嘅街市時，阿媽都會千叮萬囑，要小心突然走鬼。雖然依家香港少咗流動小販，但仍然有不少地方見到佢哋嘅蹤影，而走鬼嘅速度之快，包保睇過之後，會嚇到你目瞪口呆！
呢個位於泰國嘅市集，設置嘅地點非常特別。事關佢位於火車軌嘅兩旁，同火車距離極之近，真係唔敢相信世上竟然有如此特別嘅市集。
只見火車緩緩駛過後，路軌兩旁嘅小販竟然開始動手將攤檔搬上路軌，更有小販架起帳篷。睇見佢哋咁樣做，莫非火車路軌係市集嘅一部分？
原本分隔市集嘅路軌，不但已經唔見蹤影，路人更係熙來攘往。突然聽到有人大叫：「走鬼！」原來又有火車嚟到，呢啲咪叫做搵食艱難囉！
阿豪