女同學話佢就嚟要結婚，但佢未識呢個男仔前搞過一夜情，老早已經唔係處子之身，怕洞房嗰晚會穿煲。其實家陣乜嘢時代，仲會有人咁計較咩？但為咗心安，可以同佢未婚夫做個心理測驗。
題目：買咗條新牛仔褲返屋企嘅時候，發現有條割開嘅橫線，你會點樣呢？
選擇：
1. 覺得好有型，割深啲再着
2. 覺得有唔妥，但會繼續着
3. 覺得被受騙，馬上要更換
解釋：
1. 覺得好有型，割深啲再着
呢種男人睇嘢十分正面，聰明而且有行動力，有廣濶的胸襟，只要同佢講清楚，定會全盤接受，因為佢相信愛一個人，就要愛晒佢嘅一切，放心！
2. 覺得有唔妥，但會繼續着
佢雖然唔會發難渣，但係會放喺心裏面，有朝一日，當佢情緒失控嘅時候，就會將埋藏喺心裏面嘅不滿爆出嚟，殺傷力巨大，如果佢揀呢個，請小心！
3. 覺得被受騙，馬上要更換
佢雖然會大吵大鬧，但唔表示冇彎轉，因為呢種人受軟唔受硬，只要氹吓佢，最後都會冇事，只要先摸清佢嘅脾氣，你有辦法氹番佢，就絕對唔怕講！
小德