米雪今年廿六歲，喺一間公關公司返工，屬於超級靚女嘅佢，人又十分醒目，深得老闆嘅喜愛。咪睇米雪正正常常，原來佢有一個壞習慣，就係喜歡返到屋企之後，就剝晒啲衫通屋走，本來係佢嘅個人喜好，唔應該阻止，但係佢仲有一個壞習慣，就係唔鍾意拉埋窗簾，所以住正佢對面嘅鄰居，有時都幾頭痛。米雪最近搬新屋，對面大廈同樓層嗰三個單位，就首當其衝，其中左面住嘅係單身女士，所以冇乜嘢，右面係空置嘅，但中間單位，就住咗兩個三十歲嘅男人。
佢哋一個叫阿標，一個叫阿信，兩個人性取向十分正常，但因為樣子唔吸引、荷包唔鬆動、把口唔出色，所以三十幾歲人都係單身寡仔，家陣屋企對面突然嚟咗個惹火尤物，一到夜晚有免費嘢，佢哋仲唔開心到死咩，於是呼朋叫友一齊嚟睇。
但係佢哋啲朋友，個個都唔相信，於是阿信決定將情況用相機拍下。於是第二晚，所有人都帶齊長短伙、望遠鏡、攝錄機等準備影餐飽，可惜一連幾晚都唔見美女回家，於是成班老友就話阿信同阿標吹水，搞到佢哋兩個好冇癮，當成班老友屈兩人請飲嘢嘅時候，竟然係酒吧遇到米雪，佢正畀一個帥哥搭訕，人人都被米雪嘅美貌吸引，最後兩人卿卿我我咁出咗酒吧，大夥兒明白一定有下文，於是趕回阿信屋企。
當一入屋燈都趕唔切開，大夥兒已經踎晒喺窗口，發現米雪單位內，有一男一女正在親熱，兩人動作大膽，令所有人都冇時候顧及器材，專心一意咁睇住佢哋搞嘢，米雪單位內那一男一女，已經進行戲肉階段。阿信所有朋友都睇得血脈翻湧，搖頭輕嘆，仲隱約聽見從米雪那面傳來嘅呻吟聲，令大夥兒更加情緒高漲，最後隨着呻吟聲嘅完結，那一對男女亦完成親熱，相擁喺床上休息。
事後個個都爭住租阿信嘅大廈嚟住，原本十室九空嘅大廈，轉眼全部租出。而喺米雪老闆嘅辦公室，老闆正表揚米雪有頭腦，轉眼把丟空已久嘅大廈，變為出租熱盤，決定將米雪升職加薪。原來米雪接到單生意，就係將一幢冇人租嘅大廈全部租出，於是米雪用自己嘅壞習慣，加埋做一場戲，搵嚟舞男甲同流鶯乙合演一場盤腸大戰，令阿信班老友爭住租對面大廈嚟住，米雪呢招真係好嘢呀！
小德