相信各位都試過去大牌檔食潮州打冷，老實講小弟喺食消夜嘅時候，都必定會揀潮州檔打冷，最重要就係叫番碟油鹽水浸大蜆，鮮甜嘅蜆肉加以油鹽水調味，真係風味一絕！而且仲有良好嘅補益作用添！
蜆呢種海中生物，除咗含有豐富蛋白質、鋅、碘等等對男士性功能有幫助嘅元素之外，蜆最大嘅特點就係含有一種卵胞賀爾蒙，能夠促進性腺以及甲狀腺機能活化，仲有益精固腎、強肝造血嘅功效，對男士相當有補益作用，美洲人更把蜆視為男士補品，仲有一種非常偏門嘅食法，就係將生蜆肉與西芹、番茄等蔬菜一齊打成汁嚟飲。
呢個食法相信唔多適合我哋中國人喇！如果大家又嫌豉椒炒蜆、油鹽水浸蜆冇新意，大可以用蜆嚟煲粥食，一來可以令煲粥更鮮甜，二來白米粥亦有養生功效，一舉兩得。
賢