美麗誤會
印度人整咖喱係強項，不過有種咖喱，就唔使一定要係印度人整，只要有個嘴，一樣整得好出色。講到呢度，相信大家都知道係乜。好多人都將咖喱雞同做愛混為一談，認為只有曳曳嘅時候先會留低咖喱雞，仲係一種好刺激嘅表現，但係水着妹岡本奈月就唔係好認同呢個講法。
岡本妹話：「我個人認為只要有把口就可以整到咖喱雞，從來冇人規定喺幾時先可以咁做，而且咖喱雞同性愛唔一定相關，睇見人哋身上有咖喱雞就認定對方尋晚搞咗鑊金，真係完全唔合理囉！我諗唯一嘅解釋，就係大家都以為喺曳曳嗰陣，先有機會錫對方頸項附近位置。所以如果喺呢啲地方見到咖喱雞，就一定係做愛嘅時候留低。呢個只不過係一個美麗嘅誤會，好似我身邊好多姊妹咁，有時錫其他人都唔止會錫嘴或者面，都會錫對方條頸，一來要視乎喺乜嘢情況發生，二來唔使每次都係相同位置咁悶嘛！」奈月又話，想錫佢邊度都得，但係就要睇吓邊個錫咁話。
又愛又恨
聽到奈月嘅講法，確實有佢嘅道理，唔知另一位靚女渡邊萬美，對咖喱雞又有乜睇法呢？渡邊萬美好認真咁話：「我都唔會將呢兩樣混為一談，因為我都試過喺唔係曳曳嘅情況下，喺我男友頸上整番隻咖喱雞。不過，以前都係純粹貪玩先會咁樣做，自從入咗呢行之後，我就好少會隨便咁做，擔心畀對方反攻，喺自己身上整咗隻咖喱雞，不但唔可以着比堅尼，仲有機會畀傳媒大作文章，影響工作。」
萬美又話，好多男人都對咖喱雞又愛又恨，愛嘅原因係製作過程中，嗰種濕暖又帶點痕癢嘅溫柔感覺，令佢哋覺得刺激又過癮，而且樂此不疲。至於恨嘅原因相當簡單，就係擔心畀其他人講閒話，誤會自己係一個好色之徒。所以萬美認為，就算對方身份係自己嘅男友，都唔會隨便咁玩。
遮蓋痕迹
其實萬美嘅諗法相當正確，事關隨便玩咖喱雞真係好易出事，電影都睇得多，男人畀人喺身上留下啜痕，結果返屋企要跪玻璃又頂榴槤，認真慘情。如果真係好想玩，究竟點做先可以逃過其他人嘅眼睛？
奈月笑笑口咁話：「其實咖喱雞一向都冇分大細，最緊要係夠深色，所以箇中最大學問就係要控制Size。如果你話啜到好似五蚊咁大個，畀人睇見盞笑到面黃，有家室嘅男人返到屋企肯定受酷刑！但整個迷你版，就算畀人發現到，都可以話係皮膚敏感、出粒粒！如果男人醒目嘅話，扮晒𢱑痕咪得囉！」
聽見奈月咁講，萬美都相當認同，佢話：「畀着我都會用呢個扮𢱑痕嘅方法，至少望埋去真係唔似咖喱雞，但係都要睇吓對手識唔識做，如果對方興奮得滯，不斷猛咁啜，睇怕出嚟嘅效果都唔方細得去邊，唔想畀隻咖喱雞玩殘自己，就要多啲提醒你嘅對手喇！」
撰文：娟娟