家陣嘅化妝技術簡直係神奇，只要識得化妝，豬扒都會變貂蟬！雖然呢句說話有啲誇張，但係絕對唔係講笑，因為好多夜蒲嘅朋友都表示，曾經遇到不少夜場囡囡靠精湛嘅化妝技術顯得美艷絕倫，但一夜過後，見到對方真面目就幾乎嚇破膽。最近朋友平仔就遇到類似情況，差少少就嚇到佢以後唔敢去夜場玩樂！
平仔話：「雖然我已經可以算得上係夜場老手，但係今次真係老貓燒鬚喇！早幾日，我同朋友去到東莞一間卡拉OK夜總會玩。坐低冇幾耐，媽咪就帶咗一大班囡囡一字排開畀我哋揀。呢班囡囡個個都好識打扮，個樣亦非常之靚，只係坐喺度欣賞已經係一種享受。我揀中咗一個來自湖南嘅囡囡，因為呢個囡囡真係索到好似女明星一樣，令我心癢難耐。當晚，我哋一邊飲酒猜枚，一邊唱K，過程當中我哋互相依偎，不知玩得幾咁開心！玩得咁上下，囡囡就問我，需唔需要佢陪我過夜，呢一刻酒精令我慾火上升，而且囡囡佢實在太索，於是我忍唔住帶佢返酒店過夜！一上到房，我已經忍唔住同囡囡發生關係。而翻雲覆雨之後，我哋就相擁而睡，稍為回氣。不過，小睡片刻之後，囡囡就走去落妝，呢一刻我就發現呢個囡囡嘅真面目有幾嚇人喇！因為，囡囡落妝之後，我見到佢塊面嘅皮膚凹凸不平，膚質相當之差。及後佢又除低假眼睫毛，之前嘅靚樣已經蕩然無存！令我梅開二度嘅打算消失於無形！雖然係咁，但係我都唔想咁無良，半夜三更趕佢走，於是我抱住非常後悔嘅心情同佢一齊入睡。下次真係要睇清楚先好下決定喇！」
娟娟