偷食樂土
只要你有老婆或女友，放假嘅時候想唔陪佢哋玩嘅話，可以話係絕無可能嘅事。如果想避過條女監視，同班老友出去偷跳嘅話，究竟有乜辦法呢？喺加勒比海，就有一個專門供應男士們偷跳嘅度假村。呢間位於加勒比海某個海島上嘅度假村，從開業至今已有八年嘅歷史。從表面嚟睇，同一般嘅度假村無異，但當你細心閱讀佢嘅入住條文嘅話，卻發現佢有特別嘅服務提供，就係「天使伴遊」服務。心水清嘅男士一睇，就知道呢種所謂嘅伴遊服務另有所指。
據度假村嘅負責人Martin解釋：「我哋之所以提供呢種服務，目的係想提供一個舒適嘅環境，讓男士們能夠度過一個開心纏綿嘅假期。事關我哋深明男士希望撇開身邊嘅女伴，跟朋友度過開心又自由嘅假期。度假村有天然嘅海灘及溫暖嘅海洋外，氣候更係非常怡人，加上靚女伴遊嘅全程服侍，最重要就係由於度假村位於加勒比海關係，隱秘性非常高，住客唔使擔心會被人發現，能夠自由自在地嬉戲。」男人去偷跳最怕就係畀老婆發現，如果話畀佢知係去加勒比海度假嘅話，佢都唔會諗到度假村內竟然有如此「體貼」嘅服務，就算佢想暗地裏跟蹤你嘅話，都冇可能做得到。皆因呢個度假村只係接待男性住客，而島上更有嚴密嘅保安，用以保障住客嘅私隱，好讓佢哋能安心享受假期。
索女陪遊
喺住客預訂嘅同時，可順道透過「天使伴遊」欄目，預先揀選心儀嘅靚女。當揀選好假期日子後，伴遊便會喺接載住客嘅專船上迎接佢哋光臨，而從嗰一刻開始，直到假期結束，伴遊都會跟足全程。
由於每個男士嘅審美眼光都唔同，故此度假村內提供各種類型嘅靚女伴遊，以供選擇。不論戰鬥力強橫嘅黑珍珠，或玲瓏浮凸嘅東歐美人，都一應俱全。最重要就係佢哋精通各種運動，包括潛水、滑浪、打高爾夫球等。「我哋希望伴遊唔單止服侍住客咁簡單，希望佢哋同靚女們曳曳嘅同時，更能享受美妙嘅大自然環境。故此，我哋不但要求伴遊有出眾嘅外在條件，亦希望佢哋能陪伴住客玩樂。」度假村負責人Martin表示。
曾經到過島上玩樂嘅Frankie就話：「朋友同我講，呢個度假村有靚女伴遊，而且地處僻遠位置，唔使擔心老婆發覺，於是我哋成班老友便決定去試吓。我就揀到個金髮嘅東歐美人。本來都有啲擔心啲相執過嚟，點知到咗度假村一睇，卻發現真人同相全無分別，一樣咁性感惹火！」
體貼服務
靚女伴遊亦交足功課，全程黐實Frankie，搞到Frankie未入房已經按捺不住，喺靚女伴遊身上遊山玩水。「到達度假村，我即刻拉住靚女伴遊到海邊小屋曳曳。佢表現極之主動之餘，更帶畀我極大嘅滿足。」Frankie笑道。
由於唔係每個住客都鍾意激烈嘅活動，故此島上仲設有小型賭場及戲院，讓性格喜歡文靜嘅住客，搵到適合自己嘅娛樂。「不過講到最令我印象深刻嘅環節，必定係每晚都會進行嘅海灘野火派對。每晚嘅十點，海灘便會燃起熊熊嘅火堆，喺現場樂隊嘅伴奏下，住客便會拉住伴遊，喺海灘上載歌載舞，而我哋幾個朋友便會同大家嘅伴遊玩埋一齊，諗起都覺得興奮！」Frankie笑道
呢個「天使伴遊」服務收費一啲都唔平，就以一個四日三夜嘅旅程嚟講，就要3,900美元，約為29,250港元，值唔值得真係見仁見智。此外，玩家如果想入住度假村，必須要提早一個月預約。
撰文：阿豪