雖然話愛情係不分年齡，任何年紀嘅人都有戀愛嘅權利，但係談戀愛嘅同時，亦應該要留意健康，先至可以愛得隨心所欲，尤其係忘年戀或黃昏戀咁，更需要留意健康問題。好似以下片段嘅男翁咁，一心諗住可以娶個樣靚身材正嘅少妻，點知心臟卻唔爭氣，未曾洞房已經頂唔順！
文伯自從喪妻後，便一直過住單身嘅生活。正以為晚年要一個人過嘅時候，卻被佢遇到第二春妍女。妍女不但樣靚身材正，更對文伯一見傾心。文伯眼見佳人對佢如此體貼，決定同佢拉埋天窗。
文伯雖然一把年紀，仍然有心有力。原來一直以嚟文伯同妍女都極守規矩，一直未有越軌。故喺洞房花燭夜，文伯急不及待偷睇妍女換衫，見到佢身穿性感無比嘅內衣，即時燃起文伯嘅慾火！
唔知妍女係有心或無意，一邊換衫一邊擺出誘人甫士。本來已經㷫合合嘅文伯，見到老婆如此誘人，心臟突然激痛起嚟，最後更當場暈倒！如果文伯喺結婚前有做身體檢查，就唔會搞成咁啦！
阿豪