常言道「男追女，隔重山；女追男，隔層紗」，各位男士現實中想出手即中，擄獲對方個心嘅話，便需要事前制訂追求策略，否則有極大機會被拒絕，到時後悔已經太遲！所以一開始最重要知道對方嘅愛情類型，不如畀佢玩吓以下嘅心理測驗，或者可以得到最佳嘅追求方法！
問題：假如你係國王，你最心愛嘅女兒被敵國擄走，依家要派出一位勇士前往營救，你會選擇下面邊位去完成任務呢？
A：劍術高明嘅風流劍客
B：戰鬥力極高嘅矮人戰士
C：攻擊力低但有恢復傷勢能力嘅魔法師
答案分析：
A：熱烈追求
你好容易被對方嘅行為所感動，只要對方對你好啲，便會情不自禁萌生愛意。如果對方對你發動猛烈攻勢嘅話，你便會不期然墮入佢嘅情網。故此，追求策略只要是排山倒海嘅浪漫攻勢便可，不但得到你嘅芳心，更可以令你以身相許！
B：循序漸進
你比較保守，鍾意循序漸進式嘅愛情攻勢，主動而熱烈嘅追求，反而會令你抗拒。如果對方表現過於熱情，你更會敬而遠之。對你最佳嘅追求方法，就係先從朋友關係開始，慢慢地通過接觸後，才成為你嘅親密伴侶。
C：溫柔呵護
你鍾意溫柔體貼嘅人，希望佢能夠無時無刻畀你最殷切嘅關懷及呵護，不但能夠為你分擔情感上嘅需要，而且希望對方喺床上亦能配合你。你唔要求對方係個有錢人，事關你對物質嘅要求唔高 ，追求靈慾一致先至係你嘅目標。
阿豪