恭 喜 ！ 恭 喜 ！ 吳 鎮 宇 終 榮 升 父 親 ， 太 太 王 麗 萍 日 前 成 功 誕 下 麟 兒 ， 鎮 宇 昨 日 手 持 靚 湯 到 醫 院 探 望 太 太 及 BB ， 他 笑 言 BB 樣 子 有 齊 兩 公 婆 的 優 點 ， 相 當 可 愛 ！ 對 於 近 日 鬧 得 熱 烘 烘 的 毒 奶 粉 事 件 ， 鎮 宇 坦 言 冇 有 怕 ， 已 有 計 劃 地 儲 足 BB 「 糧 草 」 。

吳 鎮 宇 與 太 太 王 麗 萍 結 婚 六 年 ， 一 直 都 希 望 擁 有 自 己 的 小 朋 友 ， 如 今 終 好 夢 成 真 。 日 前 ， 鎮 宇 太 太 終 成 功 為 吳 家 帶 來 小 生 命 ， 於 私 家 醫 院 誕 下 健 康 男 嬰 ， 母 子 平 安 。 據 知 ， 男 嬰 肥 嘟 嘟 ， 頭 髮 十 分 之 多 ， 哭 聲 響 亮 ， 相 當 可 愛 ！

搵 師 傅 改 名
吳 鎮 宇 昨 午 三 時 許 帶 兩 袋 物 品 、 一 個 湯 壺 步 出 醫 院 私 家 獨 立 房 ， 未 知 是 否 首 次 做 老 竇 關 係 ， 鎮 宇 拿 東 西 有 點 雞 手 鴨 腳 ， 當 發 現 有 記 者 在 場 大 感 愕 然 ， 但 仍 能 保 持 笑 容 ， 態 度 友 善 ， 之 後 再 接 受 電 話 訪 問 ， 他 表 示 ： 「 北 京 返 ， （ 太 太 邊 日 生 ？ ） 唔 知 ， 返 ， 係 張 達 明 同 我 媽 咪 送 太 太 入 院 ， 我 睇 過 Ｂ Ｂ ， 佢 似 晒 我 同 太 太 最 好 地 方 ， 嘴 同 鼻 樑 似 我 ， 鼻 頭 似 太 太 ， 我 依 家 忙 緊 照 顧 太 太 ， （ 改 中 文 名 未 ？ ） 未 ， 會 搵 師 傅 改 ， （ 太 太 身 體 點 呀 ？ ） 好 好 。 」

近 期 三 聚 氰 胺 毒 奶 粉 事 件 ， 困 擾 不 少 父 母 ， 問 鎮 宇 可 有 這 個 煩 惱 ？ 他 滿 有 信 心 地 表 示 ： 「 唔 擔 心 ， 因 為 我 已 經 儲 定 幾 個 月 奶 粉 ， 一 早 準 備 好 晒 ！ 」 如 此 有 計 劃 ， 果 然 是 一 位 精 叻 爸 爸 ！

達 明 認 契 爺
鎮 宇 太 太 預 產 期 原 本 於 下 個 月 ， 故 此 吳 太 作 動 時 ， 鎮 宇 仍 身 在 北 京 ， 送 吳 太 入 醫 院 的 重 任 ， 便 落 在 老 友 記 張 達 明 身 上 ， 昨 日 達 明 在 內 地 接 受 訪 問 ， 笑 言 送 吳 太 入 院 ， 是 「 遇 剛 剛 」 ， 達 明 笑 言 ： 「 前 幾 日 ， 自 己 心 血 來 潮 打 畀 鎮 宇 ， 問 佢 太 太 就 生 ， 有 咩 可 以 幫 手 ， 佢 就 叫 我 得 閒 抽 時 間 睇 睇 佢 老 婆 ， 有 一 晚 ， 我 打 畀 吳 太 ， 點 知 佢 陣 痛 緊 ， 當 時 都 幾 夜 ， 我 就 即 刻 同 老 婆 一 齊 送 佢 入 醫 院 ， 我 太 太 係 心 理 醫 生 同 埋 有 生 產 經 驗 ， 可 以 幫 鎮 宇 老 婆 紓 緩 一 下 情 緒 ！ 」

幫 了 鎮 宇 一 個 大 忙 ， 達 明 笑 言 跟 鎮 宇 通 電 話 ， 對 方 聲 線 極 之 溫 柔 ， 是 他 認 識 多 年 從 未 聽 過 ， 相 當 搞 笑 ！ 談 到 跟 鎮 宇 囝 囝 如 此 有 緣 ， 會 否 認 做 契 爺 ？ 達 明 笑 言 ： 「 我 依 家 i 緊 兩 樣 ， 第 一 就 係 做 Ｂ Ｂ 契 爺 ， 話 晒 都 係 我 送 吳 太 入 醫 院 ； 第 二 就 係 要 鎮 宇 請 我 食 靚 雪 茄 。 」 據 知 ， 除 了 達 明 夫 婦 外 ， 劉 青 雲 、 郭 藹 明 夫 婦 亦 於 前 日 到 醫 院 探 過 鎮 宇 太 太 及 睇 Ｂ Ｂ 。

文 ： 影 視 組 　 攝 ： 追 蹤 組