肥 肥 已 長 眠 於 溫 哥 華 淨 土 ， 追 思 會 昨 在 紅 磡 香 港 體 育 館 舉 行 ， 六 千 人 到 場 含 淚 道 別 ， 但 在 莊 嚴 的 追 思 會 上 ， 肥 肥 「 大 哥 」 鄧 光 榮 突 然 發 難 ， 公 開 斥 責 肥 肥 前 夫 鄭 少 秋 無 盡 責 任 ， 叫 他 上 台 交 代 ， 場 面 尷 尬 。 鄭 少 秋 在 女 兒 欣 宜 陪 同 下 臨 時 上 台 解 釋 ， 坦 言 因 婚 姻 失 敗 而 無 好 好 照 顧 欣 宜 ， 在 肥 肥 病 重 期 間 ， 欣 宜 因 種 種 理 由 婉 拒 他 探 病 ， 最 終 錯 失 機 會 。 欣 宜 面 對 此 突 如 其 來 的 風 波 亦 處 理 得 體 ， 力 撐 父 親 之 餘 ， 也 希 望 大 家 不 要 被 是 非 「 影 響 到 我 懷 念 我 媽 咪 」 ， 其 言 論 惹 來 全 場 掌 聲 。

肥 肥 病 重 以 至 過 身 後 ， 一 直 未 見 鄭 少 秋 現 身 ， 他 備 受 千 夫 所 指 ， 鄧 光 榮 致 悼 詞 時 突 然 激 動 地 說 ： 「 我 好 奇 怪 個 女 （ 欣 宜 ） 無 老 竇 咩 ？ 點 解 （ 照 顧 欣 宜 ） 責 任 落 晒 世 叔 伯 、 auntie 度 ， 點 解 依 家 先 見 到 鄭 少 秋 出 現 ， 秋 仔 你 上 同 大 家 表 白 ！ 呢 年 ， 你 對 阿 肥 付 出 係 乜 ？ 對 個 女 付 出 乜 ？ 如 果 你 話 唔 理 個 女 ， 唔 緊 要 ， 我 度 ， 你 上 啦 ！ 」 其 發 言 令 全 場 起 哄 。

鄭 少 秋 此 時 在 台 下 露 出 牽 強 笑 容 ， 欣 宜 也 表 現 無 奈 ， 原 無 獲 安 排 上 台 發 言 的 鄭 少 秋 ， 在 欣 宜 陪 伴 下 上 台 ， 他 先 除 帽 向 肥 肥 遺 照 鞠 躬 ， 毫 不 介 意 首 次 當 眾 展 露 其 清 裝 頭 。 他 其 後 緩 慢 地 說 ， 「 大 哥 」 因 失 去 肥 肥 ， 當 然 很 難 過 ， 他 亦 正 好 借 此 機 會 回 答 鄧 的 提 問 。

「 唔 好 影 響 我 懷 念 媽 咪 」
他 感 慨 地 說 ： 「 我 一 直 唔 能 夠 好 好 照 顧 欣 宜 ， 就 係 我 同 阿 肥 婚 姻 失 敗 ， 阿 肥 就 將 欣 宜 送 去 加 拿 大 ， 我 為 口 奔 馳 ， 香 港 不 停 工 作 ， 又 走 去 內 地 同 台 灣 ， 先 能 維 持 到 我 生 活 ， 當 然 無 機 會 照 顧 到 欣 宜 ， 但 係 我 都 有 盡 量 同 欣 宜 聯 絡 ， 欣 宜 一 到 香 港 ， 我 經 常 同 欣 宜 同 埋 兩 個 妹 妹 一 齊 玩 ， 同 埋 食 飯 。 」

鄭 坦 言 ： 「 作 為 一 個 父 親 ， 欣 宜 係 我 個 女 ， 我 當 然 要 畀 愛 畀 佢 ， 我 要 盡 量 做 好 我 本 分 ， 至 於 今 次 我 唔 能 夠 去 加 拿 大 … … 」 他 望 向 欣 宜 說 ： 「 會 唔 會 使 到 你 … … 我 只 好 將 真 事 講 出 … … 我 應 該 講 定 唔 講 好 ？ 」 欣 宜 點 頭 示 意 。

鄭 續 說 ： 「 實 在 聖 誕 節 同 新 年 前 後 ， 我 一 直 有 約 個 女 出 見 面 ， 同 佢 食 飯 安 慰 佢 ， 表 示 支 持 ， 但 個 女 就 話 唔 好 ， 要 陪 媽 咪 ， 媽 咪 唔 舒 服 ， 佢 唔 想 出 同 我 食 飯 而 放 低 媽 咪 。 我 話 可 唔 可 以 去 探 佢 （ 肥 肥 ） ， 自 從 佢 出 院 後 ， 我 都 無 探 過 佢 ， 但 欣 宜 就 話 ， 佢 每 次 有 朋 友 探 佢 ， 佢 都 會 夾 硬 支 撐 住 精 神 招 呼 朋 友 ， 過 後 反 而 更 加 辛 苦 ， 所 以 我 再 等 欣 宜 消 息 。 」

及 後 肥 肥 再 入 院 ， 鄭 少 秋 再 聯 絡 欣 宜 ， 獲 知 肥 肥 入 了 深 切 治 療 部 ， 他 最 好 等 肥 肥 轉 到 私 家 病 房 才 探 訪 ， 「 但 係 （ 之 後 ） 一 直 都 聯 絡 唔 到 ， 我 只 可 以 從 電 話 同 欣 宜 聯 絡 ， 係 咪 找 藉 口 啊 ？ 」

欣 宜 終 於 開 腔 ： 「 其 實 我 覺 得 有 咁 多 事 情 ， 大 家 都 係 誤 會 ， 我 覺 得 今 日 辦 追 思 會 係 為 紀 念 媽 咪 ， 我 不 如 唔 好 畀 咁 多 是 非 ， 或 者 各 位 有 心 人 做 出 事 情 影 響 到 我 懷 念 我 媽 咪 。 」 現 場 隨 即 傳 來 熱 烈 掌 聲 。 她 又 向 秋 官 說 ： 「 Daddy ， 我 都 知 道 報 紙 、 雜 誌 或 者 有 心 人 誤 會 ， 做 出 假 出 ， 我 同 屋 企 人 都 理 解 ， 我 自 己 知 道 真 相 就 算 。 」

落 台 後 鄧 拒 與 秋 官 握 手
鄭 少 秋 最 後 說 ： 「 實 在 阿 肥 今 次 離 開 ， 大 家 都 會 好 傷 感 ， 都 會 永 遠 懷 念 肥 肥 笑 聲 ， 我 腦 海 面 ， 以 後 我 更 加 要 好 好 照 顧 欣 宜 ， 希 望 阿 肥 安 心 離 開 ， 多 謝 ！ 」 落 台 後 ， 他 主 動 趨 前 欲 跟 鄧 光 榮 說 話 ， 但 鄧 態 度 冷 淡 ， 鄭 少 秋 伸 出 友 誼 之 手 ， 竟 遭 鄧 撥 開 ， 鄭 少 秋 無 奈 只 好 返 回 座 位 。