權貴套現走得早 特首猶唱經濟好 12/02/2008
港 股 新 年 之 後 未 能 開 紅 盤 , 鼠 年 首 個 交 易 日 , 生 指 數 急 跌 八 百 幾 點 , 以 接 近 全 日 最 低 位 收 市 , 顯 見 投 資 者 對 後 市 不 表 樂 觀 。 港 交 所 主 席 夏 佳 理 提 醒 股 民 , 港 股 今 年 市 況 波 動 , 希 望 投 資 者 如 老 鼠 般 做 事 謹 慎 , 做 足 準 備 工 夫 !
根 據 中 國 人 傳 統 智 慧 , 十 二 年 係 一 個 循 環 。 十 二 年 前 一 九 九 六 年 , 香 港 經 濟 繁 榮 昌 盛 , 樓 股 齊 升 , 市 民 魚 翅 撈 飯 食 到 厭 , 對 未 來 一 片 憧 憬 , 即 使 當 年 股 市 開 出 黑 盤 , 亦 僅 有 少 數 人 予 以 重 視 , 點 知 冇 耐 就 整 一 劑 金 融 風 暴 。 殷 鑑 未 遠 , 轉 眼 又 係 鼠 年 , 股 市 開 盤 重 蹈 覆 轍 , 唔 通 鼠 年 真 係 當 黑 ? 上 天 再 派 老 鼠 預 警 ? 事 實 上 , 港 股 自 去 年 最 高 位 已 跌 落 近 萬 點 , 後 市 動 盪 已 係 意 料 之 中 。
股 市 係 咁 , 樓 市 又 點 ? 最 新 公 布 行 政 會 議 成 員 利 益 登 記 冊 露 出 一 線 玄 機 , 過 去 半 年 內 , 多 名 行 會 成 員 趁 住 豪 宅 樓 價 超 過 九 七 年 高 峰 期 , 紛 紛 賣 樓 套 現 。 其 中 李 國 寶 賣 兩 個 單 位 , 賺 七 千 萬 港 元 。 范 鴻 齡 將 一 個 灣 仔 區 單 位 改 租 為 賣 , 張 建 東 亦 將 兩 個 位 於 中 西 區 自 住 單 位 出 售 。 咁 多 行 會 成 員 不 約 而 同 賣 樓 套 現 , 實 行 走 得 快 好 世 界 , 世 事 真 係 有 咁 巧 合 咩 !
可 能 有 人 話 , 李 國 寶 賣 樓 係 為 特 殊 用 途 , 佢 捲 入 道 瓊 斯 內 幕 交 易 案 , 要 支 付 約 六 千 三 百 萬 港 元 和 解 費 。 呢 個 講 法 似 乎 有 道 理 , 但 係 以 李 國 寶 財 富 , 六 千 幾 萬 濕 濕 碎 啦 , 點 會 窮 到 要 賣 樓 付 款 , 最 大 可 能 性 係 李 國 寶 相 信 樓 市 到 頂 。 行 會 成 員 企 高 望 遠 , 訊 息 靈 通 , 佢 對 後 市 點 睇 , 對 市 場 具 有 指 標 意 義 。
市 場 有 起 有 落 , 有 買 有 賣 , 本 來 好 正 常 , 作 為 一 個 負 責 任 政 府 , 應 該 居 安 思 危 , 告 誡 市 民 作 好 準 備 , 迎 接 暴 風 雨 來 臨 。 功 夫 茶 諗 極 唔 明 係 , 各 種 異 象 顯 現 之 際 , 煲 呔 曾 特 首 好 似 渾 然 不 覺 , 仲 搏 命 咁 鼓 吹 佢 英 明 領 導 之 下 , 家 陣 係 香 港 「 二 十 年 來 最 好 」 , 又 將 迎 來 黃 金 十 年 , 想 窮 都 難 。 早 前 煲 呔 到 訪 中 東 , 聲 稱 美 國 次 按 危 機 對 香 港 影 響 有 限 , 又 搶 先 預 測 今 年 經 濟 增 長 高 達 百 分 之 五 點 五 至 六 點 五 。 一 邊 廂 係 煲 呔 隔 海 唱 好 香 港 經 濟 , 另 一 邊 廂 係 達 官 貴 人 紛 紛 賣 樓 套 現 , 方 向 背 道 而 馳 。
香 港 係 一 個 細 小 經 濟 體 , 俗 話 講 美 國 或 內 地 經 濟 打 個 噴 嚏 , 香 港 就 要 患 重 感 冒 。 家 陣 美 國 深 受 次 按 危 機 拖 累 , 好 可 能 步 入 衰 退 , 而 內 地 宏 觀 調 控 方 興 未 艾 , 樓 股 掉 頭 向 下 , 香 港 如 何 獨 善 其 身 ? 美 國 花 旗 銀 行 預 測 , 作 為 去 年 世 界 表 現 最 佳 中 國 資 本 市 場 , 今 年 將 成 為 最 糟 糕 亞 洲 投 資 市 場 , 中 國 股 市 不 受 青 睞 。
煲 呔 可 以 批 評 佢 係 二 流 分 析 員 , 不 足 為 信 。 但 係 點 講 都 好 , 連 煲 呔 身 邊 權 貴 政 要 都 要 急 急 腳 套 現 走 人 , 都 唔 相 信 煲 呔 船 長 駕 駛 技 術 , 咁 煲 呔 又 點 可 以 說 服 市 民 相 信 明 天 會 更 好 ? 煲 呔 話 乜 黃 金 十 年 、 香 港 新 方 向 , 係 太 天 真 定 係 有 意 靠 害 ?
新 年 流 流 , 應 該 多 講 吉 利 話 。 不 過 功 夫 茶 忍 唔 住 要 醒 各 位 街 坊 一 句 : 市 場 風 高 浪 急 , 請 打 醒 十 二 分 精 神 !