第 一 百 廿 二 屆 英 格 蘭 足 總 杯 今 日 展 開 第 三 圈 賽 事 ， 各 支 英 超 聯 賽 球 隊 紛 紛 上 陣 。 呢 個 杯 有 個 經 典 名 稱 叫 「 爆 冷 溫 床 」 ， 大 家 耳 熟 能 詳 ， 即 如 頭 場 曼 聯 奧 脫 福 出 擊 ， 對 住 甲 組 班 霸 樸 茨 茅 夫 ， 就 絕 對 唔 係 易 贏 ， 上 盤 讓 至 球 半 ， 絕 對 唔 穩 陣 。 （ 有 線 體 育 台 06 周 六 晚 8 時 30 分 直 播 ）

樸 茨 茅 夫 由 前 韋 斯 咸 領 隊 夏 利 列 納 任 統 帥 ， 今 屆 甲 組 出 晒 位 ， 目 前 以 廿 七 戰 五 十 九 分 高 踞 榜 首 ， 領 先 第 二 位 李 斯 特 五 分 ， 更 拋 離 第 三 位 錫 菲 聯 十 三 分 之 多 ， 睇 個 勢 下 屆 肯 定 升 班 ， 甲 組 根 本 超 晒 班 。

麥 臣 有 威 脅 隨 時 偷 雞
今 屆 只 輸 過 兩 場 樸 茨 茅 夫 ， 計 實 力 根 本 好 過 好 多 超 聯 中 下 游 球 隊 ， 陣 中 幾 位 主 力 如 麥 臣 、 史 東 、 希 斯 祿 都 有 豐 富 超 聯 經 驗 ， 而 且 質 素 唔 差 。 當 中 尤 以 卅 四 歲 老 將 ， 力 過 阿 仙 奴 、 維 拉 麥 臣 ， 中 前 場 更 係 極 具 威 脅 力 ， 對 住 唔 算 穩 健 曼 聯 防 線 ， 隨 時 有 偷 雞 機 會 。

樸 茨 茅 夫 近 期 狀 態 依 然 幾 穩 定 ， 近 四 仗 二 勝 二 和 ， 當 中 對 手 包 括 屈 福 特 、 森 林 、 水 晶 宮 同 葉 士 域 治 ， 全 部 都 係 有 斤 甲 組 隊 ， 可 以 保 持 不 敗 ， 證 明 值 得 信 賴 。

曼 聯 近 況 唔 見 突 出 ， 除 輸 俾 米 杜 士 堡 、 布 力 般 流 浪 之 外 ， 對 住 伯 明 翰 、 新 特 蘭 都 贏 得 幾 險 ， 上 仗 完 場 前 反 勝 新 特 蘭 二 比 一 ， 更 加 大 話 夾 好 彩 。

今 屆 曼 聯 攻 力 始 終 唔 算 銳 利 ， 雲 尼 士 杜 萊 受 傷 唔 出 得 ， 科 蘭 、 蘇 斯 克 查 拍 檔 攻 堅 ， 夠 唔 夠 力 大 炒 樸 茨 茅 夫 ， 實 在 係 一 個 疑 問 ， 即 使 搏 盡 亦 好 可 能 只 係 小 勝 而 回 。

■ 撰 文 ： 李 溫 度