土耳其盃港女足首戰負保加利亞
「2023土耳其盃」周三於土耳其阿拉尼亞展開競逐,其中香港女子足球代表隊首戰面對保加利亞,港隊上半場兩度失守,換邊後表現明顯有改善,惟最終未能扭轉敗局,以0比2不敵保加利亞,下仗將面對科索沃。
繼2020年後,港隊再獲邀出戰今次賽事,今場港隊派出外流中華台北的吳卓蔚把守最後大關,鍾貝琪夥拍馬澤純鎮守後防,曾柏同與劉潤兒於中場合作,為箭頭張煒琪提供支援。
面對對手前場積極逼搶,港隊開局較為被動,很快被保加利亞搶佔先機,10分鐘,保加利亞靠一次角球攻勢先拔頭籌。22分鐘,保加利亞左路發動側擊,吳卓蔚撲出對手第一次攻門,惟未能阻止緊接的補射。港隊其後加強中前場逼搶攔截,數次攻入對方半場,可惜未能製造出具威脅埋門,半場以兩球落後。
列卡度:證明仲有進步空間
換邊後港隊換入梁匡蕎及陳綺馨等人,並把握對手傳球失誤,搶回不少主動權,一度將對手壓制於半場。64分鐘,張煒琪接應長傳,禁區頂起腳先省到對方守將,其後衝前補射,又被保加利亞門將沒收。74分鐘,曾柏同禁區外施冷箭,同樣逃不過對手門將,最終保加利亞淨勝港隊2比0。
賽後主教練列卡度認為面對歐洲球隊,球員在比賽中要花時間建立自信,亦顯得比較緊張,但指出球隊下半場表現有改善:「我哋換邊後踢得更具侵略性,製造咗唔少機會,如果最後幾腳畀好啲,埋門一腳做好啲,係有機會攞到入波。」他認為賽果屬次要,更重要是球隊顯示出極大潛能:「今場證明咗港隊仲有唔少進步空間,喺戰術理解上都有待提升,嚟緊會幫球員增強爭勝心。」林卓臻報道
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500