港台電視32及on.cc東網直播冠忠南區標準流浪東瀛兵對決！

「中銀人壽香港超級聯賽」兔年第一擊，今日於香港仔運動場上演，由冠忠南區主場鬥標準流浪。兩軍今季首度碰頭，南區仍須努力爭取2023年首勝，至於流浪則希望延續連勝佳態，雙方陣中均由具質素日本球員孭飛，演出好壞必成勝負關鍵。（港台電視32及on.cc東網周六下午3時直播）

南區上場聯賽不敵東方，各項賽事兩連敗，主教練鄭兆聰（Ricky）表示球隊已作出檢討，尤其進攻表現要改進。今季首次面對流浪，Ricky謂要限制對方罰球威脅，減少不必要的犯規：「流浪罰球同遠射都有威脅，門將喺呢方面要好專注。」陣容方面，盧錦宏受傷患困擾，今場上陣成疑。

佐佐木周：最緊要心態正面

雖然經歷上場失利，但隊長佐佐木周（Shu）認為球隊信心未有動搖：「我哋一直保持正面心態，只要繼續齊上齊落，問題不大。」流浪新兵神田夢實來港後腳風奇順，「阿Shu」表示有信心牽制這位同鄉：「佢嚟咗香港後入咗4球波，但今日我哋唔會畀佢踢得咁舒服。」

標準流浪上場聯賽擊敗晉峰，各項賽事兩連勝，技術顧問米路大讚兩名新兵神田夢實及朴鍾範攻守方面貢獻很大。流浪目前在積分榜落後南區5分，米路直言今場屬「6分波」：「呢場波對我哋好重要，南區近況雖然一般，但佢哋高空波有一定優勢，一定要打醒精神。」

劉智樂破入球荒添信心

射手劉智樂上場後備入替建功，總算終止入球荒，「樂仔」續指神田夢實加盟後，球隊攻力更上一層樓，今場有信心全取3分：「多咗『神田』，對手唔可以好似以前咁，淨係防守大腦林嘉緯；自己踢法同球隊風格其實冇變，今日只要把握好啲，贏波唔奇。」文：李浚湣、林卓臻

第一手消息請下載on.cc東網 iPhone/ iPad/ Android/

爆料熱線：

(852) 3600 3600

傳真：

(852) 3600 8800

SMS：

(852) 6500 6500

電郵：

網上爆料：

MMS：

港台電視32及on.cc東網直播 冠忠南區標準流浪東瀛兵對決！