體育

盧嘉銘發動女足狂熱!

盧嘉銘 盧嘉銘
盧嘉銘
召集潛質球員加入標準流浪
標準流浪女足連續兩季參戰「賽馬會女子足球聯賽(乙組)」,表現十分出色,暫時7戰全勝兼1球不失下高踞榜首。球隊青訓教練盧嘉銘(Carmen)盼望團結一班有心球員,並延續她們對足球的熱誠,以提升女足整體水平及競爭力,為球壇出力!■圖/文:李浚湣
流浪女足上季才成立,目前已經在乙組站穩陣腳,青訓教練盧嘉銘坦言當時對成績未有太大期望,只想為一班年輕球員提供平台:「咁啱愉園同『車仔』嘅合作冇咗,變相令一班潛質小將需要離隊,尋求上陣機會。其實佢哋好多之前都係香港代表隊成員,只係因為學業同工作,冇時間繼續踢,如果咁樣就放棄,好似唔係咁好。」Carmen續指球隊吸取了上季經驗,加上今季獲不少前甲組球員來投,人腳更為充裕,有信心升班。
場地資金屬兩大難題
新成立球隊每每面對不少困難,其中Carmen認為場地分配及籌集資金,屬於流浪女足其中兩大難題:「女足冇穩定嘅場地分配,我哋平均每星期練一次波,拎唔到場就可能一個月練得兩次;另外近年經濟唔好,最後好辛苦先搵到有心人『維到皮』,而我哋教練都係無私奉獻,一心只想班球員成長。」此外Carmen表示招募球員亦非易事,始終很多球員在一支球隊從小踢到大,在朋輩影響下更不會貿然轉會,加上部分球員因學業到外地升學,令選擇更少。
全面職業化專心踢好波
任職流浪青訓教練多年,加上父親盧國華與總監李輝立(Philip)交情深厚,Carmen笑言Philip很快就同意借出會籍,讓女足以這支老牌球隊之名參加足總賽事,她期望能藉此回饋球壇:「用標準流浪嘅名一定好好多,自己都教咗青少年一段時間,但好少教女足,希望『借個殼』嚟栽培女子球員,同埋秉承番流浪重視青訓嘅宗旨。」Carmen另一身份為甲組頌恩公民門將,她指女足近年感覺上愈搞愈好,盼盡快全面推動職業化:「球員冇咁多負擔,先可以專心踢波,從而令更多球員外流,好似陳頌文就係成功例子,咁先提升到女足水平。」
隊長馮浚翎(右)在中場助攻助守。隊長馮浚翎(右)在中場助攻助守。
隊長馮浚翎(右)在中場助攻助守。
流浪女足雖成立不久,但陣中球員十分團結。流浪女足雖成立不久,但陣中球員十分團結。
流浪女足雖成立不久,但陣中球員十分團結。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500