昔日東方亞協盃最後探戈「康廉」︰盼行得更遠
李康廉在上屆「亞協盃」寶刀未老，分組賽對蒙古代表220體育會，個人貢獻兩入球、兩助攻，賽後更獲選為最佳球員，球員生涯首次隨球隊在亞洲賽突破分組賽階段，可惜最終卻在分區決賽止步，「康廉」直言除了爭取入球外，今年目標希望再進一級：「踢咗咁耐都去到生涯最後一、兩年，想畀自己有啲回憶，同埋上年飲恨令到今年更有推動力，當然最重要都係出到線先，然後希望行得比上年更遠。」他認為球隊吸收了上屆經驗，加上今年磨合度、默契更勝一籌，相信已經踏入收成期。
鄭兆均上屆首度出戰「亞協盃」，達成了人生其中一個里程碑，不過他坦言因緊張下，導致表現未如理想：「始終係第一次踢球會級別亞洲賽，做決定要快少少，踢分組賽都仲ok，但對拿薩夫一落場就覺得自己決定比較慢，未係可以好有效率咁為球隊製造進攻機會。」
「均仔」成功擺脫傷患
不過愈踢愈好的「均仔」卻因左腳需要進行半月板手術，自去年11月尾對晉峰的「足總盃」賽事後一直養傷，早前才正式傷愈復出。
他透露已受傷患困擾多年，只是自己「忍得」，但直至上屆在「亞協盃」出局後，終於下定決心根治：「踢完波會腫會痛，但第二日就無咁誇張，長期維持依個狀態；我覺得去到踢亞洲賽依個水平，自己都要嘗試擺脫痛苦，想處理好隻腳，睇吓會唔會提升到另一層次。」經過在港多仗友賽後，「均仔」表示狀態正逐步提升，大約回復至8成左右，但體能及身體質素方面仍需加強，希望可以在今屆「亞協盃」盡快爭取入球，以增強自身信心。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
