重溫本地波連場激戰

剛過去的周末上演了1場「菁英盃」和3場「中銀人壽香港超級聯賽」，「入球騷組合」晉峰和標準流浪於「菁英盃」踢成3比3平手；冠忠南區於「榜首大戰」憑史提芬彭利拿一錘定音，以1比0力克東方龍獅，聯賽4戰全勝；香港U23首度在主場青衣運動場出戰，結果與港會踢成2比2，兩隊齊獲港超第1分；理文聯賽首度登場，在落後兩球的劣勢下，憑金承龍及洛迪古斯的入球，激和傑志2比2。

晉峰末段失守何信賢嘆可惜

晉峰總教練何信賢賽後慨嘆球隊表現值得全取3分，奈何對手運用高空轟炸戰術成功，對末段失球感到可惜。他又指球隊近期士氣低迷，但欣賞他們能從中吸收教訓，相信最近的經歷能令球員有所成長。

賴嘉輝繼續信任小將

流浪教練賴嘉輝則對是役上陣的年輕球員投予信心一票：「好難要啲年輕球員一落場就交到功課，落到場難免會緊張。當然佢哋可以做好啲，但唔會因為咁而放棄佢哋，如果來來去去都係林嘉緯、盧均宜，佢哋可以踢到幾多歲？」他表示未來的「菁英盃」仍會大膽起用平時較少機會落場的球員，讓他們累積經驗。

東方龍獅連勝斷纜盧比度指全隊責任

東方龍獅連勝走勢斷纜，惟賽後主教練盧比度仍為球員感到驕傲，直言球隊值得取勝：「球員跟足我要求去踢，我哋係應該贏波，但足球就係咁。」對於失球的責任，盧比度認為不應只追究個人失誤：「失波責任在全隊，唔可以只怪任何一位球員。」

冠忠南區一度受壓下未有放棄，主教練列文賽後大讚球員態度：「球隊今場展現強大心理質素，踢得好勇敢，對踢法保持信心；今場比賽非常艱難，東方係支好強嘅對手，希望可以繼續呢個走勢。」現時聯賽高踞積分榜前列，列文顯然對現況多少感到意外：「我哋本來唔應該出現喺積分榜呢個位置，現時成績係遠超預期，我哋會繼續努力，任何事情都有可能發生。」

香港U23搶得1分張健峰仍未滿足

雖然最終搶回1分，但香港U23主教練張健峰顯然對和局不甚滿意，承認教練團在部署上未如理想：「今場目標攞3分，但確實我哋隊波係有限制，特別係中堅位置，開頭擺出3後衞，但表現唔得，（教練嘅部署）影響咗球員表現，呢樣係教練團嘅問題。」他表示下半場變回4後衞陣式，表現明顯有好轉。

港會未能把握機會

港會主教練東尼咸美頓賽後隨即在場邊向球員訓話，他解釋有球員因遲到而錯失上陣機會：「我哋已經踢緊港超，球員要準時到場。」今場兩隊總共炮製4個入球，他笑指港會踢法深得球迷歡心，但對結果感失望：「我哋創造好多機會，但係未能把握。」

隔離影響表現陳曉明為土炮感動

理文主教練陳曉明坦言球隊返港後需隔離14日，無疑影響表現：「體能唔喺最好水平，基華尼頓同列斯奧都唔敢出住，開頭唔夠集中，輸到0比2先入局。」「黃軍」是役下半場脫胎換骨，一度壓住傑志強攻，「曉明Sir」讚揚一眾土炮：「你睇到咁多位本地訓練出嚟嘅球員，徐宏傑、顏樂楓、余煒廉等，見到佢哋今日畀出嚟嘅表現，我有啲感動。我哋維持到自己嘅定位，亦都希望爭標。」

傑志領先後失專注力

傑志是役早段連入兩球，然而其後失勢，暫代主教練金東進（Kim）承認球隊頭35分鐘控制戰局，惟之後失去專注力。下半場在艾里奧傷出後，防守更出現失衡情況，導致未能獲勝，不過Kim仍對戰果感滿意。