政情：度假遊歐 黃偉鴻遇小偷

話說黃偉鴻抵達西西里島翌日，遊覽山城Taormina（陶爾米納），期間佢打開腰包取出手機拍下旖旎風光，殊不知此時突然遭人一撞，佢回頭見身旁有位女士面露歉意，於是無意深究，繼續四處遊覽。去到夜間，佢驚覺腰包內嘅銀包不翼而飛，不禁想起該位撞佢一下嘅女士，可惜距事發已經幾個鐘，對方早就逃之夭夭，惟有到警署報案，錄取口供文件以備旅遊保險理賠。

銀包被竊嘅黃偉鴻，其盤川係分兩批現金，而另一部分就存放喺酒店，儘管足夠應付餘下行程，但難免感到掃興。佢話幸好腰包裏面嘅護照未被竊取，否則就要走去羅馬辦理手續，非常麻煩。經過今次事件後，黃偉鴻話感到香港係最安全。