政情：官員議員聯誼 復辦新春午宴

立法會秘書處發出文件，指主席梁君彥將出席新春午宴，到時會喺立法會綜合大樓宴會廳，宴請行政長官、行政會議成員、政府高級官員同立法會議員，藉此歡聚一堂，共賀新歲。期間亦有大合照環節，誠邀議員出席午宴及合照環節，有意赴會嘅議員就要喺1月13日中午12點前報名啦。

其實喺疫情前，立法會都會舉辦新春午宴，十幾人坐埋一枱、聚首一堂，希望促進官員同立法會嘅溝通。但過去兩年疫情籠罩下，避免新冠肺炎病毒傳播，無奈取消新春午宴。加上「五光十色」嘅新議會，一眾代議士都好守規矩，相信新春午宴不會再出現以往嘅抗議場面，甚或議員杯葛午宴嘅情況亦不復存在。