政情：年度漢字公布 「通」奪最高票數

其實除咗「通」字，仲有另外9個字入選，只係得票相對較少，包括「團、民、青、守、創、慶、援、新、疫」，其中個「疫」字仲係2021年嘅年度漢字添，而今次就得350票排第2，至於「新」字就以282票排第3。而2020年嘅年度漢字係「安」字。

政黨就表示「通」字對香港特別重要，過去一段時間喺通關上有好大障礙，希望克服到疫情後，可以聯通世界。議員劉國勳就話，市民對「通」字都好有期望，而嚟緊即將有通關消息，對市民係一件好事。其實呢10個字係由立法會主席梁君彥、議員葉劉淑儀、劉國勳、中文系教授盧鳴東等人揀嘅，之後交畀市民投票，睇嚟市民嘅期望都好一致。