要聞港聞

政情:陸瀚民獲平安卡 議政從工友角度出發

經過約7.5小時嘅訓練課程,陸瀚民獲發平安卡。 經過約7.5小時嘅訓練課程,陸瀚民獲發平安卡。
經過約7.5小時嘅訓練課程,陸瀚民獲發平安卡。
雖然尋日係周日假期,議員陸瀚民依然要「朝9晚5」,參加有關建造業嘅強制性基本安全訓練課程,完成大約7.5小時嘅安全知識學習之後仲獲發平安卡添!然而陸瀚民並非從事建造業,犧牲假日以換取平安卡,莫非佢打算轉行?
其實陸瀚民早前仲報咗名,尋日參與一個有關跑步嘅賽事。而佢之所以放棄原有嘅假日安排,事關佢係《2022年職業安全及職業健康法例(雜項修訂)條例草案》委員會嘅委員,冀由政策角度審議條例之外,亦希望以工友嘅角度,了解建造業從業員日常面對嘅工地基本安全情況,所以一見到有相關課程就立即報讀。
話工地基本安全唔簡單
儘管尋日嘅課程名為「工地基本安全」,但陸瀚民話當中嘅知識並唔簡單,其中正確佩戴安全帶嘅訓練就十分重要。另外,又要實習佩戴全身式安全帶及使用防墜扣、安全帽連Y型下頷索帶。佢話工業安全係要多方面嘅配合,僱主既要提供安全嘅工作環境同合格嘅安全設施,工友亦要使用安全設備同遵守有關安全規例;政府亦須嚴格執行相關法例以及監管、積極宣傳及推廣全面嘅安全教育,先至可以減少工業意外,改善工地安全。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500