政情：困?苦候派員遲大到 方龍飛炮轟維修服務

方龍飛喺社交平台貼文，話早上大約7點發現有人困?並即時致電升降機公司，唔明白點解要9點後先至派員到場處理，於是就質問接線員需否報警救助，而當對方支吾以對嘅時候，升降機突然恢復操作，升至天橋上層並開啟?門。被困女士雖得以離開，但佢擔心維修前有人再度被困，要求升降機公司盡快安排人員前來圍封升降機，然而接線員直接表示話「唔會」。佢無奈惟有收線。

為免再有街坊使用該升降機，方龍飛曾嘗試搵雪糕筒或膠馬做圍封，惜遍尋不獲。當佢折返該行人天橋，赫然發現該升降機再度失靈，且有數名長者一同困?！今次佢索性要求消防員前來求援。事後佢大罵該升降機公司不負責任，揚言要喺區議會跟進事件咁話。