昔日東方政情：政府愈扶愈貧 管牧促精準變革
外界不斷炮轟政府愈扶愈貧，所以施政報告話要重組扶貧委員會，社福界議員狄志遠都唔睇好，話要扶貧會設績效指標KPI，而另一議員管浩鳴（管牧）就提出3點「需要」，首要係「變革」。
應統整數據 鼓勵脫貧
管牧建議扶貧需要改變、要變革，意思係扶貧唔單止要「扶」，仲要鼓勵「脫」，話依家頂層政策嘅設計過於單一；仲需要優化，即係需要數據，數據需要精準，精準需要統整。
最後一個「需要」係乜？就係需要參考扶貧嘅成功密碼，佢話內地嘅扶貧政策絕對係成功例子，有指標性，認為當局需要重新審視4個重要問題，包括要「扶持誰」、「誰扶」、「怎麼扶」同「如何退」，仲要創造性提出同實施精準扶貧策略喎。
以往好多議員都要求政府要精準扶貧，同埋要用新思維，但政府都好似唔知點入手，老實講，管牧若果想政府做晒呢3點需要，睇怕佢都要花多啲唇舌去解釋嘞！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
