政情：年齡身高過龍 吳傑莊航天夢成空

Johnny尋日喺社交平台貼文，一開始就好開心咁話香港嘅科研同工程技術人員將大有機會成為「太空人」，仲話係對香港年輕人天大嘅喜訊，有機會夢想成真成為太空人，仲話年輕人要把握好機會實現太空夢想，佢仲講到自己都躍躍欲試。

咁就去報名喇！但佢話身高多咗3厘米，年齡大咗3歲，大呻可惜。事關唔係高就有機會入圍，由於參加者嘅條件非常嚴格，唔單止要擁有相關專業領域嘅博士學位，年齡要介乎30至45歲，男性身高需162至175厘米，女性身高需160至175厘米；體格需非過敏體質，冇影響飛行服務嘅病史同家族病史。

佢高得滯兼且年齡超標，當然冇得玩喇！於是佢話最後決定推薦議員辦事處一位博士級議員助理去參加喎。