政情：拍檔聚首零碳天地 黃錦星爆設計玄機

其實「零碳天地」嘅主建築師就係黃錦星。為咗實現碳中和，冀便利大眾零距離接觸低碳生活，於是構思一個融入城市中心高樓群嘅零碳建設。「零碳天地」四通八達嘅公共空間設計，成就高度開放嘅綠色天地，但其實大公園下潛藏巨型雨水渠斜角橫行，令設計大受限制，不過建築師就巧妙保留咗地盤中央原樹群，同時構思咗零碳廣場、青草角落等多樣化公共空間，化危為機。

貼文又提到，建築物邁向零碳嘅前提，係善用自然環境，而建築師葉頌文就將設計原則概括成打油詩「南向迎風納夏涼，北窗採光省照明，草頂光伏隔傳熱，綠化滿園降熱島。」雖然10年人事幾番新，各建築師足印各異，但知慳惜電，減碳「清零」嘅目標依然不變。