政情：入境檢疫鬆綁 李鎮強諗住去南韓

話說政府前日公布「0+3」安排，即係登機前毋須提交核酸檢測，抵港後免除酒店隔離。李鎮強見便利咗咁多，打算趁立法會僅餘嘅休會時間，把握機會同小朋友去南韓，玩番3至4日咁話。不過李鎮強都有些少顧慮，因為佢從未確診過，若抵達彼邦一旦染疫，會浪費旅行嘅時間。

提到疫情嘅問題，李鎮強就話實施「0+3」後，希望政府可以盡快公布抗疫路線圖，話依家市民最擔心就係唔知道幾時再爆第6波、第7波，擔心政府政策嘅走向。

佢希望政府可以為疫情訂立分級制，向市民公布當疫情數字到達某一個水平，防疫措施嘅走向，畀市民知道政府會點做，等大家有數得計，做好期望管理。