政情：公屋加租逼近 招國偉：免租唔使諗

招國偉話房委會嘅租金檢討，主要係視乎公屋住戶入息嘅變化，嚟決定加租還是減租。雖然話加租上限係一成，減幅則無下限，但睇番2020年租金檢討建議加租9.66%，已經好貼近一成嘅上限，依家房委會指公屋租戶收入微升，建議加租1.17%。佢話房委會目前約有80萬租戶，如果按機制加租1.17%的話，就大概有六成公屋租戶，加租之後每月要畀多40元以內嘅住屋支出。至於房委會會否重複上次嘅做法，免租兩個月以減輕公屋住戶面對嘅加租壓力？招認為唔會，事關免租一個月，房委會就會出現14億元嘅赤字啊。

即使加租等如每個月食少一餐早餐，公屋租戶所承受嘅負擔唔算沉重，但招指疫情下大家都唔想面對加租，惟有諗吓點樣運用政府今日發放嘅第二階段消費券，心情可能會愉快啲。