政情：紀律部隊申開位 警公關手法捱批

議員何俊賢話香港嘅政治環境「依家先至喺最危險嘅時候」，因為有屋邨懸掛嘅國旗、區旗疑被塗污同焚燒，警方近日亦搜出孤狼式嘅武器庫。佢又舉例話有店舖仍貼出標語，並有一班地下人員，以該處為聚腳點。佢建議增加前線人員嘅資源，又問警方有乜嘢部署，同埋警方應對傳媒嘅工作詳情等。

保安局副局長區志光就話警察公共關係科喺應對傳媒查詢上嘅工作有增長，至於建議新增一個開設助理處長（公共關係）一職，將負責宣傳警隊形象，同埋作出澄清假新聞等行為。

委員會主席葉劉淑儀亦問警方喺公共關係上有冇搵專業人士做傳媒培訓，包括同公共溝通嘅技巧。佢又指警務處增設一個助理處長，主要負責與青少年溝通嘅工作，並推出嶄新活動，當中牽涉啲咩元素。警務處人事及訓練處處長蔡展鵬回應時話警隊人員有接受傳媒培訓，初級警員等職級都有加入傳媒培訓課程，仲話「過去幾年面對傳媒，點樣可以更加做得好，提高透明度，都做咗大量工作」。