昔日東方政情：陳曼琪3物業揸手 林新強英國有樓
議員申報利益嘅資料陸續放上立法會網頁，前日已上載咗26名議員嘅申報，尋日再多6個，當中身兼大律師嘅選委會界別議員陳曼琪申報3個物業，港島及九龍區各有一個物業，另一個則位於廣州，而法律界功能界別議員林新強亦申報喺英國擁有一處住所物業。
容海恩8份受薪工作職位
由地區直選轉跑道到選委會界別並成功嘅容海恩，就申報咗喺港島擁有物業，同時申報咗8份受薪工作及職位，包括執業大律師、一般及家事調解員、精神健康覆核審裁處成員、漁民特惠津貼上訴委員會（禁拖措施）委員同人事登記審裁處審裁員等。
地產及建造界功能界別議員龍漢標申報受薪工作及職位係香港地產建設商會秘書長，喺港島擁有一個自住物業。
而選委會界別議員黎棟國同郭玲麗都冇申報擁有物業，郭申報受薪工作及職位係酒店培訓顧問同保險營業顧問。
話時話，依家仲有58名議員嘅申報表未上載，當中有幾多係未提交申報表？未交嘅就要快手嘞，事關今日開大會之前就係死線。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
